So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
“Ovoz” Oʻzbekistonning imiji uchun xizmat qiladi. Hadeb malomat qilaversanglar, kerak boʻlsa uyimni sotib boʻlsa ham toʻlayman” — Ozodbek Nazarbekov
Bugun, 16-avgust kuni AOKAda Madaniyat vazirligi tomonidan matbuot anjumani oʻtkazildi. Unda madaniyat vaziri Ozodbek Nazarbekov jamoatchilik eʼtirozlariga sabab boʻlgan xususan, byudjetdan 2 milliard soʻm mablagʻ ajratilgan “Ovoz” koʻngilochar vokal isteʼdodlari musiqiy loyihasiga toʻxtalib oʻtdi.
Anjumanda Ozodbek Nazarbekov agar jamoatchilik sarflangan mablagʻga eʼtiroz bildirayotgan boʻlsa, pulni oʻz yonidan qaytarib toʻlashga roziligini bildirgan.
“Bir narsani tushuninglar, bugungi kunda Oʻzbekistonni nufuzini koʻtarishga “Ovoz” loyihasi ham xizmat qiladi. Agar shuning uchun 2 milliard soʻm sarflash jinoyat boʻlsa, men bunga roziman. Butun dunyoda yagona musiqiy shou mana shu loyiha boʻlib turibdi va 76 ta davlatda namoyish etiladi. Sarflangan 2 milliard soʻmga malomat qilaversanglar, shu pulni hozir uyimni sotib boʻlsa ham beraman.
Shunday katta loyiha Oʻzbekistonning nufuziga xizmat qiladimi yoki yoʻqmi? Kelinglar, shu haqda gaplashaylik. Bu loyihaning Oʻzbekistonga kirib kelishi Markaziy Osiyoning “poq” etib koʻzini ochib qoʻydi-ku. Menga telefon qilib, “Biz qachon qatnashamiz” deb soʻrashyapti. Shu kerak emasmi bizga?
Bitta sportchi ham shu ishni qilyapti, nufuzimizni koʻtarib bermoqda. Bu ham xuddi shunga oʻxshagan, mamlakatni yanada tanitadigan ish. Shu bilan birga, yurtimiz isteʼdodlarini birdan xalqaro maydonda koʻrsatib qoʻymoqda. Koʻrsatuv 76 ta mamlakatga uzatilmoqda, shuncha davlatdan eʼtibor boʻlyapti, Oʻzbekistonni dunyo xaritasidan qidirishyapti. Shu kerak menga.
Koʻrsatuv orqali Kubadan va boshqa mamlakatlardan ishtirokchilar kelmoqda va qatnashmoqda. Ishoninglar, bu isteʼdodlarni yuzaga chiqishiga, respublikamizning imijiga xizmat qiladi. Boʻldi, boshqa narsa bermaydi!” dedi vazir.
Shuningdek, shouning final bosqichiga unda hakamlik qilayotgan Ozodbek Nazarbekovga quda boʻlgan shaxsning farzandi — Madlen Sharipova hamda yana bir hakam Sevara Nazarxonning jiyani — Yulduz Nazarxonova yoʻl olgani ham turli eʼtirozlarga sabab boʻlgan.
