So`ngi yangiliklar
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Oʻzbekiston, Tojikiston, Qirgʻiziston maxsus xizmat rahbarlari Fargʻonada uchrashdi
Kecha, 6-may kuni Fargʻona shahrida Qirgʻiziston, Tojikiston va Oʻzbekiston xavfsizlik xizmati raislari uchrashuv oʻtkazgan. Bu haqda DXX matbuot xizmati xabar bermoqda.
Qayd etilishicha, Qirgʻiziston Vazirlar Mahkamasi raisi oʻrinbosari – mamlakat Milliy xavfsizlik davlat qoʻmitasi raisi Qamchibek Tashiyev, Tojikiston Respublikasi Milliy xavfsizlik boʻyicha Soymoʻmin Yatimov va Oʻzbekiston Davlat xavfsizlik xizmati raisi Abdusalom Azizov oʻzaro muzokara oʻtkazgan.
Taʼkidlanishicha, muzokaralar chogʻida tomonlar ochiq va maxfiy tarzda mintaqaviy xavfsizlikni taʼminlashga oid barcha muammolar koʻlamini atroflicha muhokama qilgan. Shuningdek, muloqotda mintaqadagi terrorizm, ekstremizm, narkotik moddalarning noqonuniy aylanishi, noqonuniy migratsiya, kontrabanda va transchegaraviy xarakterdagi tahdid va tahlikalarga qarshi kurashish kabi dolzarb sohalardagi hamkorlikning holati va istiqbollari yuzasidan fikr almashilgan.
Tomonlar oʻrtasida chegaradosh hamkorlik va umuman olganda, yaxshi qoʻshnichilik munosabatlarini rivojlantirish uchun qulay shart-sharoitlar yaratish masalalariga toʻxtalib oʻtilgan.
Muloqotda Qirgʻiziston Respublikasi va Tojikiston Respublikasi oʻrtasidagi davlat chegaralarini delimitatsiya qilish bilan bogʻliq kun tartibidagi masalalar, shuningdek, Oʻzbekiston Respublikasi va Qirgʻiziston Respublikasi oʻrtasidagi chegaralarni demarkatsiya qilish masalalari konstruktiv tarzda koʻrib chiqilgan.
Uchrashuv ishtirokchilari qirgʻiz-tojik chegaralarini delimitatsiya qilish va oʻzbek-qirgʻiz davlat chegaralarini demarkatsiya qilish jarayonlarini jadallashtirish boʻyicha kelishuvlarga erishdi va tomonlarning oʻzaro manfaatlarini hisobga olgan holda ushbu masalalarni hal etish boʻyicha amaliy chora-tadbirlarni belgilab olgan.
Muzokaralar yakunida Qirgʻiziston-Tojikiston hukumatlararo komissiyasi aʼzolariga chegaraning qolgan uchastkalarini muvofiqlashtirish, shuningdek, tegishli ikki tomonlama shartnomani tayyorlash va imzolash boʻyicha aniq topshiriqlar berilgan.
