So`ngi yangiliklar
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
“Qoʻyliq” bozori rekonstruksiya uchun yopiladi
Toshkent shahri hokimligi “Qoʻyliq” bozorida qurilish va rekonstruksiya ishlari boshlanishini maʼlum qildi. Bu vaqtda bozor vaqtincha yopiladi.
Hokimlik rekonstruksiya davrida bozordagi tadbirkorlarga oʻz faoliyatini Food city, Tashkent Index va boshqa savdo majmualarida davom ettirishni taklif qilmoqda.
Toshkentda oziq-ovqat, dehqon va buyum bozorlaridagi sotuvchi va xaridorlarga qulaylik yaratish, bozorlar faoliyatini takomillashtirish, ularning sanitariya-gigiyena hamda yongʻin xavfsizligi talablariga javob beradigan holatga keltirish maqsadida, bozorlarda qurilish va rekonstruksiya ishlari boshlanmoqda.
Ushbu ishlarning birinchi bosqichida, poytaxtimizning barcha bozorlariga mahsulotlarni asosiy yetkazib beruvchisi boʻlgan Toshkent qishloq xoʻjalik mahsulotlari ulgurji (Qoʻyliq) bozorida rekonstruksiya ishlari boshlanadi.
Bozorga olib kelinayotgan mahsulotlar bozor hududiga sigʻmay, atrofidagi hududlarda, shu jumladan Chirchiq kanali boʻyida tartibsiz savdo amalga oshirilayotganligi hamda bozor hududiga kuniga 600 dan ortiq yuk mashinalari kirib-chiqishi avtomobil yoʻllarining tirbandligiga asosiy sabab boʻlmoqda va aholiga jiddiy noqulayliklar yaratmoqda.
Rekonstruksiya davrida tadbirkorlar oʻz faoliyatini Food city, Tashkent Index va boshqa savdo majmualarida tashkil etilgan qulay sharoitlarda davom ettirishlari mumkin.
Bunda, tadbirkorlar mulklarini koʻchirish bilan bogʻliq boʻlgan harajatlar (transport, yuklash, tushirish va boshqalar) bepul amalga oshiriladi hamda savdo majmualaridagi doʻkonlar uchun ijara toʻlovlaridan 3 oy muddatga ozod qilinadi.
Shuningdek, aholiga qulay sharoit yaratish maqsadida “Qoʻyliq” massividan bozor hududigacha yoʻl kira xaqqi olinmaydigan 10 ta avtobus yoʻnalishga qoʻyilib, jamoat transporti uchun shoh bekat tashkil qilindi va shaharning barcha yoʻnalishlarga chiqish imkoni yaratilgan.
Bozorda faoliyat yuritayotgan 144 nafar ishchi-xodimlarni Food city va Tashkent Index savdo majmualarida ish bilan taʼminlanadi.
Shu tariqa, bozorlarni tartibga keltirish, koʻchirish yoki rekonstruksiya qilish ishlari poytaxtimiz boʻylab davom etadi va tez orada ular aholi uchun fayzli va obod maskanlarga aylanishiga umid qilamiz, deyiladi hokimlik xabarida.
