So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Oʻzbekistonning 25 ta tumanida chorvachilik klasterlari tashkil etiladi – Prezident qarori
“Chorvachilikda identifikatsiya qilish tizimi va naslchilik sohasini takomillashtirishga oid qoʻshimcha chora-tadbirlar toʻgʻrisida”gi Prezident qarori qabul qilindi.
Qarorga koʻra, Oʻzbekistonda hayvonlarni identifikatsiya qilish, roʻyxatga olish va kuzatish tizimi quyidagi 2 bosqichda joriy qilinadi:
1-bosqich – 2023–2024-yillarda chorvachilikka ixtisoslashtirilgan 25 ta tumanda;
Ushbu tumanlarda hayvonlarni identifikatsiya qilish, roʻyxatga olish va kuzatish tizimini joriy qilish bepul amalga oshiriladi.
2-bosqich – 2025–2026-yillarda respublikaning qolgan tumanlarida.
Veterinariya va chorvachilikni rivojlantirish qoʻmitasi sohada masʼul organ hisoblanadi.
Qaror bilan Qoʻmita huzurida davlat muassasasi shaklida Hayvonlarni identifikatsiya qilish, roʻyxatga olish va kuzatish markazi tashkil etiladi.
Shuningdek, 25 ta tumanda bir necha yoʻnalishlarni oʻz ichiga olgan chorvachilik klasterlari tashkil etiladi.
Shunga koʻra, tashkil etiladigan chorvachilik klasterlariga:
60 million AQSH dollari miqdorida kreditlar ajratiladi;
paxta va gʻalla ekin maydonlarini qisqartirish hisobiga har bir tumanda kamida 100–150 gektar maydon ozuqabop ekinlar ekish uchun ajratiladi.
2023-yil 1-dekabrdan chorvachilik xoʻjaliklari oʻz ehtiyoji uchun import qilgan nasldor qoramollarga hisoblangan qoʻshilgan qiymat soligʻini Qoʻmita kafolati asosida 180 kun ichida toʻlab berish tizimi joriy etiladi.
2023-yil 1-sentyabrdan 2025-yil 31-dekabrgacha davlat tomonidan quyidagi tartibda subsidiya ajratiladi:
➖ chorvachilik mahsulotlari yetishtiruvchi xoʻjaliklarga xorijiy davlatlardan import qilingan nasldor qoramolning har bir boshiga 2 million soʻm, nasldor qoʻy va echkining har bir boshiga 400 ming soʻm miqdorida;
➖parrandachilik xoʻjaliklariga har bir bosh 1 kunlik nasldor joʻjani import qilish bilan bogʻliq xarajatlarning 15 ming soʻmini qoplash uchun.
.jpg)
