So`ngi yangiliklar
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Samarqandda toʻyda qatnashgan 42 nafar fuqaro zaharlandi
Holat boʻyicha Sanitariya-epidemiologiya qoʻmitasi rasmiy maʼlumot berdi.
Samarqand viloyati Urgut tumanidagi toʻyda qatnashgan 42 nafar fuqaro mayonezli salat isteʼmol qilib, zaharlandi. Bu haqda Sanitariya-epidemiologiya qoʻmitasi xabar qildi.
Sanitariya-epidemiologik osoyishtalik va jamoat salomatligi qoʻmitasining Samarqand viloyat boshqarmasi bergan tezkor xabarnomasi yuzasidan quyidagilarni maʼlum qiladi.
Unga koʻra, joriy yilning 4-avgust kuni soat 05:30da Urgut tumani, “Jarqishloq” mahallasidagi “Toshpoʻlat ota” toʻyxonasida 2023-yil 3-avgust kuni oʻtkazilgan toʻy tadbirida ishtirok etgan 7 nafar fuqaro koʻngil aynish, qayt qilish, qorin sohasida ogʻriq, ich ketish va tana haroratini koʻtarilishi kabi shikoyatlar bilan tungi soat 02:00 dan boshlab ertalab 10.45 ga qadar 7 nafar bemor “Oʻtkir ovqat toksikoinfeksiyasi” tashxisi bilan tuman yuqumli kasalliklar boʻlimiga, bir nafar bemor esa viloyat yuqumli kasalliklar shifoxonasiga yotqizilgan.
Shifoxonalarda bemorlarga malakali tibbiy yordam koʻrsatilayotganligi aytilmoqda.
Barcha bemorlar oʻz kasalliklarini 2023-yil 3-avgust kuni kunning ikkinchi yarmida “Toshpoʻlat ota” toʻyxonasida isteʼmol qilingan mayonezli salatlar bilan bogʻlashgan.
Qayd etilgan holat yuzasidan Sanepidqoʻmita Urgut tuman boʻlimi mutaxassislari tomonidan olib borilgan epidemiologik surishtiruvlar natijasida toʻy egasi tomonidan toʻydan bir kun avval yaʼni 2-avgust kuni tayyorlangan salatlar dasturxonga tortilganligi aniqlangan. Shuni alohida taʼkidlash lozimki salatlar dasturxonga qoʻyilgunga qadar saqlash qoidalariga rioya etilmagan uy sharoitida sovutgichsiz saqlangan, deyiladi xabarda.
Tibbiyot xodimlari tomonidan toʻy tadbirida ishtirok etganlarni aniqlash maqsadida uyma-uy yurib surishtirish oʻtkazilib, kasallik belgilari aniqlangan 41 nafar fuqaro tuman yuqumli kasalliklar shifoxonasiga yotqizilgan.
Bemorlarning ahvoli oʻrta ogʻirlikda deb baholanmoqda, ogʻir bemorlar yoʻq. Ushbu holat Sanepidqoʻmita tomonidan toʻliq nazoratga olingan.
