Toshkent viloyatida 2023-yilda 34 mlrdlik yer uchastkalari sotilgan

Joriy yilning birinchi yarim yillik davri mobaynida Toshkent viloyatida jami 404 ta yer uchastkalari 34 mlrd 327 mln soʻmga sotilgan. Bu haqda Davlat kadastrlari palatasi Toshkent viloyati boshqarmasi Axborot xizmati xabar bermoqda.

Maʼlum qilinishicha, Vazirlar Mahkamasining 2022-yil 14-fevraldagi 71-sonli hamda       2022-yil 30-noyabrdagi 685-sonli qarori asosida 2022-2023-yilda qishloq xoʻjaligida foydalanilmaydigan boʻsh yer uchastkalarini auksion savdolariga chiqarish yuzasidan Davlat kadastrlari palatasi Toshkent viloyati boshqarmasi taqdim etgan maʼlumotga koʻra, bugungi kunga qadar Toshkent viloyat hududida “Yerxususiylashtirish” avtomatlashtirilgan axborot tizimiga jami 7,257 ta yer uchastkalari yuzasidan takliflar kiritilgan.

Shundan 858 tasi qishloq xoʻjaligi yerlarida va muhofaza hududida joylashgani hamda boʻsh yer emasligi aniqlanib rad etilgan boʻlsa, 1,584 ta yer uchastkalari esa vakolatli idoralar tomonidan rad etilgan. Ayni paytda 2,244 ta yer uchastkalari onlayn savolarga chiqarilgan.

Shundan:

Mulk huquqi asosida tadbirkorlik faoliyati olib borish va yakka tartibdagi uy-joy qurish uchun – 220 ta

Ijara huquqi asosida tadbirkorlik faoliyati olib borish va koʻp qavatli uy-joy qurish uchun – 3,396 ta

Joriy yilning birinchi yarim yillik davri mobaynida jami 404 ta yer uchastkalari 34 mlrd 327 mln soʻmga sotilgan.

Quyidagi tumanlarda boʻsh yer uchastkalari soni boʻyicha yuqori koʻrsatkichlar qayd etilgan:

Quyi Chirchiq tumanida – 279 ta

Boʻka tumanida – 288 ta

Piskent tumanida – 446 ta

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг