“Oramizdagi qahramonlar” – Tashkent Cityʻda ochik osmon ostidagi noyob fotokoʻrgazma ochilishi oʻtkaziladi

Ertaga 19-may kuni Tashkent City bogʻida ERIELL Group tashabussi bilan “Oramizdagi qahramonlar” nomli ochik osmon ostidagi noyob fotokoʻrgazmasining ochilishi boʻlib oʻtadi. Fotosurʼatlar muallifi - respublika va xalqaro miqyosda keng eʼtirof etilgan fotograf Ernest Kurtveliyev hisoblanadi.

Noyob fotoloyihaning asosiy maqsadi - jamiyat hayotida mehnatkash insonning tutgan oʻrni va ahamiyatini namoyon qilishdan iboratdir. Koʻrgazmada 40 dan ortiq fotosurʼatlar joy olgan boʻlib, ular ogʻir jismoniy mehnat bilan shugʻullanadigan, chidamlilik, sabr-toqat va qatʼiyatlilikni talab qiladigan kasblar mutaxassislarining ishini tasvirlab beradi. Ushbu timsollarni yaratish uchun fotograf Oʻzbekistonning turli mintaqalari - Fargʻona vodiysidan to Orol dengizi hududigacha boʻlgan joylarda ijodiy ekspeditsiyalarni tashkil qildi.

ERIELL Group loyihasini yaratish maqsadida Fargʻona neftni qayta ishlash zavodi, Namangan viloyatidagi “Mingbuloq” koni, Qashqadaryo viloyatidagi neft va gaz konlari, Qoraqalpogʻiston Respublikasi “Tebinbuloq” temir rudasi koni, shuningdek, Orol dengizi shelfida ishlovchi burgʻilash uskunalari obyektlarida surʼatga olish ekspeditsiyalari tashkil qilindi.

Ernest Kurtveliyevning oʻzgacha his-tuygʻularga toʻla asarlarini umumiy gʻoya birlashtiradi. Bu xam boʻlsa tomoshabinga fotosuratlar toʻplamidagi har bir qahramonning individualligini yetkazish, ularning baʼzan koʻrinmas, ammo mashaqqatli mehnati zamonaviy Oʻzbekiston iqtisodiyoti va jamiyatini rivojlanishi uchun muhim va zarurligini koʻrsatishdir.

Toshkent shahri aholisi va poytaxt mehmonlarini birinchi ochiq osmon ostidagi “Oramizdagi qahramonlar” fotokoʻrgazmasiga taklif qilamiz. Shuni taʼkidlash joizki, ushbu fotoloyiha mamlakatning turli xududlari boʻylab sayohatini davom ettiradi.

Qoʻshimcha qilish mumkinki, ERIELL xalqaro neft konlari xizmatlari guruhi Oʻzbekiston bozorida neft konlari xizmatlari boʻyicha yetakchi hisoblanadi va jahon bozorida yuksak maqomga egadir. Guruh Markaziy va Janubiy Osiyo va Yaqin Sharqdagi yetakchi neft va gaz kompaniyalari uchun quduqlarni qurish va kapital taʼmirlash xizmatlarini taqdim etadi.

ERIELL kompaniyasining muvaffaqiyati eng avvalo neft va gaz qazib olishning zamonaviy texnologiyalarini doimiy ravishda rivojlantirish, turli sharoitda samarali ishlashga qodir mashina va uskunalardan foydalanishga asoslangan. Shu sababli, yangi bilimlarni oʻrganadigan, tajriba ortiradigan va turli iqlim sharoitlariga bardosh bera oladigan mutaxassislar - kompaniyaning asosiy boyligi hisoblanadi.

Maʼlumot uchun: Ernest Kurtveliyev Oʻzbekistonning eng taniqli fotosuratchilaridan biri boʻlib, uning asarlari turli fotokitob va jurnallarda chop etilgan. Shaxsiy koʻrgazmalari esa nafaqat Oʻzbekistonda, balki chet davlatlarida xam yuqori darajada tashkil etilgan. 2017-yilda AQSHning Florida shtatida oʻtkazilgan “Oʻzbekiston - Markaziy Osiyoning sehrli ertagi” nomli qoʻrgazma, Bangkokdagi “The People & Nature of Uzbekistan” xalqaro koʻrgamasi (2018-y.) shular jumlasidandir.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг