So`ngi yangiliklar
Turkiya Prezidentligi veloturiga 27-aprelda start beriladi
Istanbuldagi zilzila sabab Oʻzbekiston fuqarosi vafot etgani maʼlum boʻldi
Gurbanguli Berdimuhamedov “Oliy Darajali Doʻstlik” ordeni bilan mukofotlandi
Oʻzboshimchalik bilan tabiiy gaz tarmogʻiga ulangan fuqaro jamiyat va davlatga 263 million soʻm zarar yetkazdi
Qonun kuchi yetmayotgan — “Qonunsizlar”!
Lavrov Samarqanddagi “Motamsaro ona” haykalida rus tilidagi yozuv yo‘qligiga e’tibor qaratdi
Aya Sofiyaning ramziy gumbazi asrlarga bardosh berish uchun qayta tiklanmoqda
UzAuto Motors sotiladi
Maʼlumotlarni yashirishga uringan mansabdorlar javobgarlikka tortilishi mumkin
Davlat hokimiyati va boshqaruvi organlari faoliyatining ochiqligi toʻgʻrisidagi qonunchilikni buzganlik uchun javobgarlik belgilanmoqda. Bu haqda deputat Rasul Kusherbayev xabar berdi. Mazkur mazmundagi qonun loyihasi Qonunchilik palatasida koʻrib chiqilayapti.
Taʼkidlash kerakki, Maʼmuriy javobgarlik toʻgʻrisidagi kodeksda davlat hokimiyati va boshqaruvi organlari faoliyatining ochiqligi toʻgʻrisidagi qonun hujjatlarini buzganlik uchun javobgarlik belgilanmagan edi.
Yangi taklif etilayotgan loyihaga koʻra, Davlat hokimiyati va boshqaruvi organlari faoliyatining ochiqligi toʻgʻrisidagi qonunchilikni buzish jumladan, ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxatiga kiritilgan maʼlumotlarni eʼlon qilmaslik yoki toʻliq eʼlon qilmaslik, eʼlon qilish muddati va tartibini buzish yoki maʼlumotlarni notoʻgʻri koʻrsatish mansabdor shaxslarga bazaviy hisoblash miqdorining uch baravaridan besh baravarigacha miqdorda, agar shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, mansabdor shaxslarga bazaviy hisoblash miqdorining besh baravaridan oʻn baravarigacha miqdorda jarima solishga sabab boʻlishi nazarda tutilmoqda.
Bunday huquqbuzarliklar boʻyicha Korrupsiyaga qarshi kurashish agentligining mansabdor shaxslari maʼmuriy huquqbuzarlik toʻgʻrisida bayonnoma tuzib, sudga yuboradi.
“Jamoatchilikning koʻplab muhokamalariga sabab boʻlib kelayotgan, kutilgan qonunning parlamentda koʻrib chiqilayotgani quvonarli hol, albatta. Endi davlat idoralari masʼullari ochiqlik masalasiga yanada masʼuliyat bilan yondoshishadi”, - deya qoʻshimcha qildi Kusherbayev.
