title

So`ngi yangiliklar

17:24 / 2025-01-04 439

Storitelling va mutolaaning inson rivojidagi oʻrni...

15:53 / 2024-12-26 1114

Parlamentda Nukus voqealari bo‘yicha tuzilgan komissiya axboroti tinglandi

17:32 / 2025-01-04 1262

Navoiyga Mongoliyadan 1000 boshga yaqin Bayat zotiga mansub qo‘ylar olib kelindi

14:31 / 2024-12-19 1729

Faollar aytayotgan “iqtidor” egasi oddiy “Virtual valyutachi” boʻlgan...

19:41 / 2024-12-18 1622

Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi

22:41 / 2024-12-16 2363

Tojikistonning Konibodomida yana to‘rt kishining jasadlari topildi. Mahalliy aholi vahimada

21:03 / 2024-12-16 1930

Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi

13:53 / 2024-12-16 1989

Ichki audit xizmati xodimlarining faoliyati samaradorligini baholash tartibi belgilandi

13:41 / 2023-05-03 247 0 Jamiyat

“FAIR TECH”: Raqobatni rivojlantirish va isteʼmolchilar huquqlarini himoya qilish qoʻmitasi farmatsevtika sohasiga oid yagona axborot tizimi yaratilganini maʼlum qildi

Raqobatni rivojlantirish va isteʼmolchilar huquqlarini himoya qilish qoʻmitasi tomonidan “FAIR TECH” yagona axborot tizimi doirasida alohida modul ishlab chiqildi.

Bundan koʻzlangan asosiy maqsad isteʼmolchilar huquqlarini himoya qilish tizimini yanada takomillashtirish va farmatsevtika sohasida qonunchilik meʼyorlarining isteʼmolchi foydasiga ishlashini interaktiv usullarda nazorat qilishdan iboratdir. Bu haqda qoʻmita matbuot xizmati xabar bermoqda.

Taʼkidlanishicha, ushbu yangi tizim boʻyicha murojaatlarni koʻrib chiqish onlayn tarzda tezkor amalga oshiriladi hamda korrupsiyani keltirib chiqarishi mumkin boʻlgan holatlarning oldi olinadi. Shuningdek, sohada yangi yoʻnalish sifatida isteʼmolchilarga yetkazilgan zararni qoplashning taʼsirchan mexanizimi joriy etiladi.

Buning huquqiy asosi, Prezidentning 2022-yil 26-oktyabrdagi PQ-411- sonli “Aholini sifatli dori vositalari va tibbiy buyumlar bilan taʼminlash yuzasidan qoʻshimcha chora-tadbirlar toʻgʻrisida”gi qaroriga muvofiq belgilangan.

Yangi tartibga koʻra, 2023-yil 1-maydan isteʼmolchilar tomonidan dorixonalarda xarid qilingan dori vositalari va tibbiy buyum xarid cheklarning QR-kodi “Soliq” mobil ilovasida roʻyxatdan oʻtkazilganda belgilangan ustamalardan ortiqcha mablagʻ olinganligi aniqlansa, avtomatik ravishda Raqobat qoʻmitasiga xabar yuborilib, ortiqcha olingan mablagʻni isteʼmolchiga qaytarish tizimi ishga tushirilmoqda.

Hozirda tarmoq Soliq qoʻmitasi hamda Farmatsevtika tarmogʻini rivojlantirish agentligining elektron tizimlari bilan oʻzaro integratsiya qilingan va hamkorlikdagi oʻzaro maʼlumotlar almashinuvi boʻyicha ishlaydi. Sifatli monitoring tizimini samarali ishlashi hamda texnik jihatdan ishlarni tezkor va sifatli amalga oshirilishini taʼminlash maqsadida Raqobat qoʻmitasining hududiy boshqarmalari planshetlar bilan taʼminlanadi.

Maʼlumot uchun, Prezidentning “Aholini dori-darmon vositalari va tibbiyot buyumlari bilan taʼminlashni yanada yaxshilashga doir chora-tadbirlar toʻgʻrisida”gi qaroriga muvofiq, dori-darmon vositalari va tibbiyot buyumlarini ulgurji va chakana sotish ularni yetkazib berishda ishtirok etuvchi vositachilar sonidan qatʼiy nazar, ulgurji savdo uchun sotib olingan qiymatidan 15 foizdan, chakana savdo uchun ulgurji narxidan 20 foizdan ortiq boʻlmagan miqdorlarda belgilanadigan cheklangan savdo ustamalari qoʻllash tartibi belgilangan.