So`ngi yangiliklar
Oltinning narxi tarixiy rekord darajaga oshdi
Markaziy Osiyolik migrantlar Rossiya oʻrniga Xitoy, Koreya va Yevropani tanlamoqda. Sababi nimada?
Putin Ukraina bilan toʻgʻridan toʻgʻri muzokaralarni taklif qildi: Kiyev qanday javob qaytaradi?
Nizomiy nomidagi Toshkent davlat pedagogika universiteti endilikda O‘zbekiston milliy pedagogika universiteti deb nomlanadi
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Shavkat Yaxshiboyev Bogʻot hokimligi lavozimidan boʻshatildi. Tumanga yangi hokim tayinlangan
Bugun, 1-aprel kuni xalq deputatlari Bogʻot tuman Kengashining navbatdan tashqari sessiyasi boʻlib oʻtdi, unda tashkiliy masala koʻrib chiqilgan. Bu haqda Xorazm viloyati hokimligi matbuot xizmati xabar bermoqda.
Maʼlum qilinishicha, Xorazm viloyati hokimi Joʻrabek Raximov tuman hokimi lavozimida ishlab kelayotgan Shavkat Yaxshiboyev egallab turgan lavozimidan ozod qilingani munosabati bilan Bogʻot tumani hokimi lavozimiga Nazarov Jahongir Bahromovich nomzodini tavsiya etgan.
Maʼlumot uchun, Nazarov Jahongir Baxromovich bungacha Davlat aktivlarini boshqarish agentligining Xorazm viloyati hududiy boshqarmasi boshligʻi lavozimida ishlab kelayotgan edi.
Sessiyada viloyat hokimi Joʻrabek Raximov soʻzga chiqib, Prezident Shavkat Mirziyoyevning Xorazm viloyatiga tashrifi chogʻida belgilab berilgan vazifalar va ularni izchil amalga oshirish chora-tadbirlari xususida toʻxtalgan.
Bogʻot tumanining iqtisodiy salohiyati yuksakligi, hali foydalanilmayotgan imkoniyatlar juda katta ekanligini taʼkidlab, ana shu masʼuliyatli vazifalarni bajarishda tumanning yangi rahbariyati va faollariga muvaffaqiyat tilagan.
Eslatib oʻtamiz, Shavkat Yaxshiboyev avvalroq Xorazm viloyati hokimligi Madaniyat va aholi dam olish boshqarmasi boshligʻi lavozimida ishlagan.
Bogʻot tumani 1926-yilda tashkil topgan, 1930-yilda Xonqa tumaniga qoʻshilgan, 1934-yilda esa Yangiariq tumani tasarrufiga oʻtgan. 1953-yilning mart oyida qaytadan tuman sifatida tashkil qilingan. 1959-yilda yana Yangiariq tumani tarkibiga qoʻshilgan. Bogʻot tumani 1970-yil 8-dekabrda qayta tashkil qilingan.
Tuman hududi 4433,5 kv.km. boʻlib, geografik jihatdan Xorazm viloyatining janubi-sharqiy qismida joylashgan. Janubdan Turkmaniston bilan, sharqdan Hazorasp tumani bilan, shimoldan Qoraqalpogʻiston bilan, gʻarbdan Yangiariq va Xonqa tumanlari bilan chegaradosh.
