So`ngi yangiliklar
SSP raisi oʻrinbosari Nodira Shotursunova Namanganda faol va tashabbuskor ayol tadbirkorlar bilan uchrashdi
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Sobiq MXX binosining oʻrnida Radisson mehmonxonasi quriladi
Abdulaziz Komilovning oʻgʻliga tegishli MCHJ Raddison mehmonxonalar guruhi bilan kelishuvga erishdi.
Raddison mehmonxonalar guruhi “Metropol Group” MCHJ bilan Toshkentda premium-klassdagi yangi mehmonxona ochish boʻyicha kelishuvni imzoladi, deya xabar bermoqda Oʻzbekiston mehmonxonalar assotsiatsiyasi.
Maʼlum qilinishicha, Radisson Collection Hotel nomli yangi otel shahar markazida, Sayilgoh koʻchasidagi (xalq tilida “Brodvey” — tahr) sobiq Milliy xavfsizlik xizmatining bosh binosi oʻrnida joylashadi.
Bu yerda qurilajak mehmonxona kompleksi yaxlit meʼmoriy uslubga ega 4 ta binodan iborat boʻlishi, asosiy va eng baland bino 22 qavat boʻlib, unda 27 ming kv.m. maydonga ega Radisson Collection Hotel joylashishi kutilmoqda. Premium toifadagi mehmonxona mijozlarga 164 ta xona, xususan prezident lyuks xonalarini taklif etadi.
Majmua hududi jamoat joyi, savdo zonalari, kinoteatr, ofislar, apartamentlar va koʻp qavatli yerosti avtoturargohni oʻz ichiga oladi.
Maʼlumot oʻrnida, Radisson Collection — bu mahalliy diqqatga sazovor joylarga yaqin joylashgan eksklyuziv, premium mehmonxonalar toʻplami.
Radisson Collection mehmonxonalarining barchasi mehmondoʻstlikning eng soʻnggi standartlariga javob beradi, ular maxsus dizaynni ajoyib restoran, fitnes va kurort tajribasi bilan uygʻunlashtiradi.
Eslatib oʻtamiz, “Metropol Group” sobiq MXX binosini 2021-yil iyulida 210 mlrd soʻm evaziga sotib olgandi. Bu kompaniyaning 100 foizi ulushi oʻsha vaqtda ham, hozirda ham sobiq tashqi ishlar vaziri Abdulaziz Komilovning oʻgʻli Doniyor Komilovga tegishli ekani koʻrsatilgan.
.jpg)
