So`ngi yangiliklar
“Oʻqituvchilarga imtiyozli avtokredit orqali avtomobillarni sotishga tayyormiz” – “Oʻzavtosanoat”
Aydar–Arnasoy koʻllar tizimi – kimning tizginida?
SSP raisi oʻrinbosari Nodira Shotursunova Namanganda faol va tashabbuskor ayol tadbirkorlar bilan uchrashdi
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
“Mendirman Jaloliddin” seriali sabab Samarqand, Buxoro va Xivaga sayohat qildim” — Mehmet Bozdagʻ
“Mendirman Jaloliddin” seriali orqali tarixni jonlantirgan prodyuser Mehmet Bozdagʻ Oʻzbekiston haqida iliq fikrlarini bildirdi.
Madaniyat va turizm vazirligi tashabbusi bilan turk kinoijodkorlari hamkorligida ishlangan “Mendirman Jaloliddin” seriali prodyuseri Mehmet Bozdagʻ serial va Oʻzbekiston haqidagi taassurotlari bilan oʻrtoqlashdi.
“Tarixiy serial suratga olish taklifi tushganida juda hayajonlandim. Madaniyat va turizm vaziri Ozodbek Nazarbekov bilan uchrashuvdan soʻng Jaloliddin Manguberdi haqida serial olishni boshladik.
Suratga olish jarayonida juda koʻp insonlar mehnat qilishdi, bosh tashabbuskor albatta, Ozodbek Nazarbekov boʻldi”, — dedi Bozdagʻ.
Prodyuser suratga olish jarayonida duch kelgan qiyinchiliklarga toʻxtatildi. Uning aytishicha, aktyorlar 50-55 daraja issiqda ham ohir zirhli kiyimlar bilan harakatlanishgan. Shuningdek otlar qatnashgan sahnalar ham oʻziga yarasha qiyinchiliklar tugʻdirgan.
“Mendirman Jaloliddin” tarixiy serialini suratga olish jarayonida oʻzbek hamkasblarimiz bilan tajriba almashdik. Taʼkidlash joizki, tarixiy serialni suratga olish juda masʼuliyatli va mashaqqatli jarayon. Aktyorlar 50–55 daraja issiqda ham ogʻir zirhli kiyimlar bilan harakat qilishdi. Otlar qatnashgan sahnalar ham oʻziga yarasha qiyinchiliklar bilan kechdi. Shunday boʻlsada, oʻzbek va turk aktyorlari oʻz vazifalarini zavq va masʼuliyat bilan bajarishdi”, — dedi u.
Mehmet Bozdagʻ ushbu serialni suratga olish bahonasida bolalikda orzulari amalga oshganini aytdi.
“Ushbu loyiha sabab, bolalikdan orzu qilib yurganim: Samarqand, Buxoro va Xivaga sayohat qildim. Tarixiy kino olish borasida oʻzimizni yana bir bor sinab koʻrish imkoniyatini bergan oʻzbek birodarlarimizga oʻz minnatdorchiligimni bildiraman.
Kelgusida nasib etsa, Amir Temur, Mirzo Ulugʻbek, Abdullatif, Ali Qushchi, Fotih Sulton kabi ulugʻ tarixiy shaxslar hayotiga oid serialni suratga olish niyatidamiz. Agar bu loyihamiz amalga oshsa, yana bir bor tarixni jonlantirish imkoniyatiga erishgan boʻlamiz”, — deb qoʻshimcha qildi.
Maʼlumot uchun, 14-yanvar kuni Madaniyat va turizm vazirligi bilan hamkorlikda serialning 2-mavsumi premyerasi boʻlib oʻtdi.
.jpg)