So`ngi yangiliklar
Qonun kuchi yetmayotgan — “Qonunsizlar”!
Lavrov Samarqanddagi “Motamsaro ona” haykalida rus tilidagi yozuv yo‘qligiga e’tibor qaratdi
Aya Sofiyaning ramziy gumbazi asrlarga bardosh berish uchun qayta tiklanmoqda
UzAuto Motors sotiladi
Oltinning narxi tarixiy rekord darajaga oshdi
Markaziy Osiyolik migrantlar Rossiya oʻrniga Xitoy, Koreya va Yevropani tanlamoqda. Sababi nimada?
Putin Ukraina bilan toʻgʻridan toʻgʻri muzokaralarni taklif qildi: Kiyev qanday javob qaytaradi?
Nizomiy nomidagi Toshkent davlat pedagogika universiteti endilikda O‘zbekiston milliy pedagogika universiteti deb nomlanadi
Qiziriq haqiqatlari. Qosimov 338 gektar yerni tashlandiqqa aylantirgan agrofirmalarni qattiq tanqid qildi
Viloyat hokimi yerdan umuman foydalanmayotgan agrofirmalarga Mahmud Mirzayev nomidagi ilmiy tekshirish instituti qoshidagi Bandixon tajriba xoʻjaligidan ijaraga olingan yerlarni qaytarib berishni topshiriq berdi.
Xabaringiz bor, Effect.uzʻga Surxonning Qizirigʻidan boʻlgan fermerlar bir emas, bir necha yildan buyon murojaat qilib, huquqlarini poymol boʻlayotganidan nolishgan edi.
Ularning masalasi katta davralarda muhokama boʻldi, qaysidir maʼnoda ayrimlarining huquqlari qayta tiklandi. Bobolovdan keyin kelgan viloyat hokimi Ulugʻbek Qosimov Qiziriq tumanida, qiziq ishlarga guvoh boʻldi.
Yaʼni u, Qiziriq tumanida boʻlib, Mahmud Mirzayev nomidagi ilmiy tekshirish instituti qoshidagi Bandixon tajriba xoʻjaligi faoliyatini oʻrgandi.
Aholini oziq-ovqat xavfsizligini taʼminlash va iqtisodiyot tayanchi boʻlgan har bir qarich yer maydoni muhim hisoblangan bugungi kunda ushbu tajriba xoʻjaligiga tegishli, hozirgi kunda 3 ta agrofirmaga ijaraga berilgan 338 gektar maydondan umuman foydalanilmasligi natijasida maydonni begona oʻtlar bosib ketgan.
Viloyat matbuot xizmatining aytishicha, tashlandiq holga kelib qolgan maydon viloyat hokimining qattiq eʼtirozi va masʼullarni tanqid qilinishiga sabab boʻlgan. Hokim ushbu 338 gektar ekin maydonini tajriba xoʻjaligiga qaytarish topshirigʻini berdi.
Mahmud Mirzayev nomidagi ilmiy tekshirish instituti masʼullari tomonidan Bandixon tajriba xoʻjaligi faoliyatini rivojlantirish, tashlandiq holga kelib qolgan yer maydonini foydalanishga kiritish maqsadida mavjud nasos stansiyalari taʼmirlanishi hamda 6 ta traktor ajratilishi aytildi.
Viloyat rahbari yer maydonlaridan samarali foydalanish, kelgusida ushbu yer maydonlarida paxta, oziq-ovqat mahsulotlari yetishtirishni yoʻlga qoʻyish boʻyicha masʼullarga vazifalarni belgilab berdi.
