“Oʻzbekistonda Hamshiralar akademiyasi tashkil etiladi” – SSV

Yangi oʻquv yilidan oʻz faoliyatini boshlaydigan akademiyada hamshiralarni tayyorlash 4 yillik oʻquv dasturi asosida amalga oshiriladi.

Prezidentning topshirigʻiga koʻra, oʻrta tibbiyot xodimlarini tayyorlash, ularning malakasini oshirish va qayta tayyorlash tizimini tubdan takomillashtirish maqsadida Turkiyaning Sogʻlik bilimlari universiteti bilan hamkorlikda Toshkentda Hamshiralar akademiyasi tashkil etiladi. Bu haqda Sogʻliqni saqlash vazirligi matbuot xizmati xabar bermoqda.

Maʼlum boʻlishicha, Sogʻliqni saqlash vaziri Amrillo Inoyatov Turkiyaning Sogʻlik bilimlari universiteti rektori Javdat Erdol bilan oʻtgan muloqot chogʻida kelishuvga erishdi.

Yangi oʻquv yilidan oʻz faoliyatini boshlaydigan akademiyada hamshiralarni tayyorlash 4 yillik oʻquv dasturi asosida Sogʻlik bilimlari universiteti professor-oʻqituvchilari tomonidan xalqaro taʼlim standartlari asosida amalga oshiriladi. Unga koʻra, taʼlimning ikki yili Oʻzbekistonda va ikki yili Turkiyada olib boriladi.

Shuningdek, Oʻzbekiston Sogʻliqni saqlash vazirligi va Turkiya Sogʻlik bilimlari universiteti rahbariyati oʻrtasidagi muloqotda Oʻzbekiston tibbiyot tizimi uchun rahbar kadrlarni tayyorlash maqsadida bakalavriat bosqichida “Tibbiyot menejmenti” taʼlim yoʻnalishi boʻyicha 4 yillik qoʻshma dastur yoʻlga qoʻyiladi. Bu loyihada ham talabalar ikki yil Turkiyada tahsil oladi.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг