Shundan soʻng, EFFECT.UZ muxbirlari voqeani joyiga chiqib oʻrganishdi, Ismoil Shoyusupov xonadoni atrofidagi holat koʻzdan kechirildi va kuzatuv kameralarida qayd etilgan videotasvirlar tahlil qilindi.

Tasvirlarda niqobli shaxslar uy darvozasi va tashqi qismiga olov yoqilgan butilkalarni tashlagani koʻrinadi. Oqibatda qisqa muddatli yongʻin yuzaga kelgan.

Hozirda mazkur holat yuzasidan tegishli huquqni muhofaza qiluvchi organlar tomonidan tekshiruv harakatlari olib borilayotgani maʼlum qilinmoqda. Tegishli idoralarning rasmiy munosabati kutilmoqda.