Özbekistonda tabiiy gaz bilan taʼminlanmagan hududlar aholisi uçun elektr energiyasi meʼyori oşirildi. Ehtiyojmand oilalarga esa suyultirilgan gaz xaridi uçun oyiga 60 ming sömgaça kompensatsiya tölanadi.
Hukumat qaroriga köra, 1-noyabrdan tabiiy gaz mavjud bölmagan yoki uni yetkazib beriş qiyin hududlarda isitiş mavsumi uçun elektr energiyasining oylik bazaviy meʼyori 200 kVt·soatdan 350 kVt·soatga oşirildi.
15-noyabrdan esa aholi uçun suyultirilgan gazning bir kilogrammi 5 ming söm (QQS bilan) etib belgilandi. Uşbu narx va xarajatlar örtasidagi farq davlat byudjetidan subsidiya sifatida qoplanadi.
Şuningdek, ehtiyojmand oilalarga xarid qilingan suyultirilgan gazning har kilogrammi uçun 3 ming sömdan, oyiga 20 kilogrammgaça kompensatsiya ajratiladi. Bu bir oyda 60 ming sömgaça yordam degani.
Kompensatsiya mablağlari ijtimoiy kartaga ötkaziladi. Tölovlar 2030-yilgaça davom etadi.
