Ўзбекистонда қурилиш учун ер ажратиш, лойиҳалаштириш, қуриш ва обектларни фойдаланишга қабул қилиш жараёнларига ноқонуний аралашганлик учун жавобгарлик белгиланди. Янги қонунга мувофиқ, бундай ҳаракатлар учун жарима ва маъмурий қамоқдан тортиб, икки йилгача озодликдан маҳрум қилиш жазоси қўлланилиши мумкин.
Қонунга кўра, шаҳарсозлик фаолиятига ноқонуний аралашганлик учун 44 миллион сўмдан 66 миллион сўмгача жарима ёки 15 суткагача маъмурий қамоқ белгиланади.
Агар ушбу қилмиш маъмурий жазо қўлланилганидан кейин яна содир этилса, қуйидаги жазолар назарда тутилган:
132 миллион сўмгача жарима;
360 соатгача мажбурий жамоат ишлари;
3 йилгача ахлоқ тузатиш ишлари;
2 йилгача озодликни чеклаш ёки озодликдан маҳрум қилиш.
Шунингдек, автомобил ёқилғи қуйиш шохобчаларида (АЁҚШ) маиший газ баллонларини суюлтирилган газ билан тўлдириш ёки тарқатиш учун ҳам жарима белгиланди. Бундай қоидабузарлик учун 1,32 миллион сўмдан 2,2 миллион сўмгача жарима қўлланилиши мумкин.
Қонун 2027-йил 5-февралдан кучга киради.
