Toşkent naşriyot-matbaa texnikumi xodimlaridan biri Ç.B tahririyatga murojaat qilib, muassasa direktori Nodira Töykulova tomonidan uning mehnat faoliyatiga tösqinlik qilinayotgani, kasbiy şaʼni va qadr-qimmatiga salbiy taʼsir körsatuvçi bosimlarga duç kelayotganini bildirdi.
Murojaatda keltirilişiça, 2026-yil 12-mart kuni «Open byudjet» loyihasi doirasida ovoz yiğiş işlariga jalb qilingan. Xodimning taʼkidlaşiça, direktorning topşiriği asosida banklar va maktablarga, şuningdek, texnikumlarga borib ovoz yiğiş bilan şuğullanişga majbur bölgan.
Şikoyatçining aytişiça, uning mehnat taʼtili 2026-yil 20-iyuldan 2-sentyabrga qadar belgilangan bölsa-da, 15-avgustdan işga çiqişi talab qilingan. Bu borada unga telefon qönğiroqlari va SMS-xabarlar yuborilgan.
Xodim sentyabr oyida işga qaytganida esa unga boşqa iş topişi va ariza yozib ketişi kerakligi aytilganini bildirmoqda.
Murojaatda qayd etilişiça, 2026-yil sentyabr oyida xodimga nisbatan sababsiz ravişda intizomiy jazo — hayfsan qöllanilgan, şuningdek, turli ogohlantiriş xatlari berilgan.
Eʼtirozlar bu bilan çeklanmaydi. Xodimning taʼkidlaşiça, 1-oktyabr kuni tölanişi lozim bölgan Öqituvçi va murabbiylar kuni munosabati bilan beriladigan mukofot puli unga ajratilmagan. Şu oyning özida oylik iş haqini 30 foizga qisqartiriş haqida buyruq çiqarilgan.
Şuningdek, uning sözlariga köra, texnikum direktori şaxsan iş xonasiga kirib, foydalaniş uçun berilgan kompyuter va kresloni olib ketgan. Xodim texnikumning Telegram guruhlaridan ham çiqarib yuborilganini aytmoqda.
Bu holatda bir qator savollar yuzaga keladi: xodimning mehnat taʼtili davomida işga çaqirilişi qanday asosga ega bölgan? Unga nisbatan qöllanilgan hayfsan va ogohlantirişlar qaysi holatlar bilan asoslantirilgan? Iş haqini 30 foizga kamaytiriş haqidagi buyruq qonuniy tartibda rasmiylaştirilganmi? Mukofot puli tölanmasligiga qanday asos körsatilgan?
Şuningdek, «Open byudjet» loyihasi doirasida taʼlim muassasasi xodimlarining ovoz yiğiş işlariga jalb etilgani haqidagi iddaolar ham alohida örganişni talab qiladi.
EFFECT.UZ tahririyati Toşkent naşriyot-matbaa texnikumi rahbariyatidan mazkur murojaatda keltirilgan holatlar yuzasidan rasmiy izoh berişni söraydi. Xususan, xodimga nisbatan intizomiy jazo qöllaş, iş haqini qisqartiriş, mukofot puli tölamaslik va iş qurollarini olib qöyiş böyiça qanday hujjatlar rasmiylaştirilgani oçiqlanişi lozim.
Mazkur holatlar yuzasidan vakolatli mehnat organlari ham tekşiruv ötkazib, xodimning mehnat huquqlari buzilgan yoki buzilmaganiga huquqiy baho berişi muhim. Tahririyat uşbu masala böyiça texnikum rahbariyati va masʼul taşkilotlarning munosabatini eʼlon qilişga tayyor.
