Тошкент вилоятининг Қибрай туманида сув етказиб бериш хизмати муассасаси раҳбари фуқаронинг уйини ноқонуний қурилган деб топиш масаласини ҳал қилиб бериш эвазига 16 минг доллар талаб қилган. У 5 минг долларни олаётган вақтида қўлга олинди.
Ички ишлар вазирлиги маълумотига кўра, фуқаронинг уйи рухсатнома асосида қурилган бўлса-да, муассаса раҳбари хонадон каналга яқин жойлашганини важ қилиб, уни ноқонуний қурилиш деб баҳолаган.
Ушбу масалани республика даражасидаги мансабдорлар орқали ҳал қилиб беришни ваъда қилган раҳбар олдиндан 5 минг долларни хизмат хонасида олаётганида тезкор тадбир давомида ушланган.
Қайд этилишича, у аввал ҳам Жиноят кодексининг 205-моддаси билан судланган.
Ҳолат юзасидан унга нисбатан Жиноят кодексининг 210-моддаси 2-қисми «б» ва «в» бандлари билан жиноят иши қўзғатилган.
