Qorong‘i rejim
Спорт

Ҳокимларнинг спорт масалалари бўйича маслаҳатчиси лавозими жорий этилади

Akmal Eshonxonov26 кўришлар
Ҳокимларнинг спорт масалалари бўйича маслаҳатчиси лавозими жорий этилади

Ўзбекистонда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимликларида спорт масалалари бўйича маслаҳатчи лавозими ташкил этилади. Бу Президентнинг 16-ноябрдаги қарорида белгиланган.

Қарорга кўра, маслаҳатчи этиб Ўзбекистон Миллий олимпия қўмитасининг ҳудудий бўлинмаси ижрочи директори белгиланади. У тегишли ҳокимликлар томонидан Спорт вазирлиги ва Миллий олимпия қўмитаси билан келишилган ҳолда лавозимга тайинланади ва озод этилади.

Маслаҳатчининг асосий вазифалари қуйидагилардан иборат:

  • аҳоли, айниқса ёшларни оммавий спортга жалб этиш ва бу борада туман-шаҳар ҳокимликлари билан ҳамкорлик қилиш;

  • олис ва чекка маҳаллаларда спорт иншоотларини барпо этиш, мактаблар ва спорт муассасаларида тўгараклар фаолиятини кенгайтириш;

  • «Президент Олимпиадаси» мусобақаларининг ҳудудий босқичларини ташкил этиш;

  • ҳудудий терма жамоаларнинг республика ва халқаро мусобақаларда муваффақиятли иштирокини таъминлаш;

  • маҳаллий ҳокимликларнинг Спорт вазирлиги, олимпия ва паралимпия қўмиталари ҳамда спорт федерациялари билан ҳамкорлигини йўлга қўйиш.

Қарорда мактабларда камида биттадан спорт тўгараги ташкил этилиши ҳам белгиланган. Шунингдек, 2027-йил 1-январдан «ЕРП спорт» тизими орқали спорт мусобақалари ғолиблари ва совриндорларига ҚР-кодли диплом ҳамда сертификатлар электрон шаклда берилади.

Улашиш:

Ўхшаш янгиликлар

Ҳокимларнинг спорт масалалари бўйича маслаҳатчиси лавозими жорий этилади | Effect.uz