O‘zbekiston World Population Review tomonidan e’lon qilingan 2026-yilgi Jahon ta’siri indeksida 100 ta davlat orasida 71-o‘rinni egalladi.

Reytingda mamlakatlar iqtisodiy, siyosiy va harbiy ta’siri, shuningdek, xalqaro munosabatlardagi roli asosida baholanadi. E’lon qilingan ma’lumotlarga ko‘ra, Xitoy birinchi, AQSH ikkinchi va Hindiston uchinchi o‘rinni egalladi. Germaniya, Yaponiya, Janubiy Koreya, Fransiya, Buyuk Britaniya, Meksika hamda Italiya ham kuchli o‘ntalikka kirdi.

O‘zbekiston Norvegiya (72), Armaniston (80), Urugvay (82), Iordaniya (83) va Gruziya (92) dan oldinda bo‘lib, 71-o‘rinni egalladi. Qirg‘iziston, Tojikiston va Turkmaniston e’lon qilingan ro‘yxatga kiritilmagan.