«Özgidromet» maʼlumotlariga köra, 9–11-noyabr kunlari Özbekiston hududida yomğir, şimoliy va toğli hududlarda esa qor yoğişi kutilmoqda. Tungi harorat şimolda −7 darajagaça, boşqa hududlarning ayrim joylarida −1…−2 darajagaça pasayişi mumkin.
Energiya taʼminoti barqarorligini taʼminlaş maqsadida Energetika vazirligi va tizim taşkilotlari tomonidan zarur çoralar körilmoqda. Toşkent şahri va boşqa hududlarda isitiş mavsumini boşlaş işlari olib borilmoqda.
Gaz taʼminotida xonadonlar, maktablar, boğçalar, şifoxonalar va boşqa ijtimoiy obyektlarga ustuvorlik beriladi.
Zarurat tuğilgan taqdirda, mavsumiy isteʼmolçilar, jumladan, avtomobillarga gaz töldiriş kompressor şoxobçalari faoliyati vaqtinça çeklanişi mumkin. Çeklovlar hokimliklar bilan kelişilgan va tasdiqlangan grafiklar asosida joriy etiladi. Isteʼmolçilar bu haqda oldindan xabardor qilinadi.
Gaz yoki elektr taʼminotida muammo yuzaga kelgan taqdirda, fuqarolar quyidagi raqamlar orqali 24 soat davomida murojaat qilişlari mumkin:
1104 — gaz bosimi va taʼminoti;
104 — gaz avariya xizmati;
1154 — elektr uzilişlari va tarmoq nosozliklari.
Murojaatlar masʼul mutaxassislarga yetkazilib, muammolarni bartaraf etiş çoralari köriladi.
Energiya resurslariga noqonuniy ulaniş yoki ulardan noqonuniy foydalaniş holatlari haqida «Özenergoinspeksiya»ning +998 71 208-10-15 raqamiga xabar beriş mumkin.
