Qorong‘i rejim
Ўзбекистон

АИ-80 бензини биржа савдоларига чиқарилди. Аммо уни АЁҚШларда сотишга рухсат берилмайди

Akmal Eshonxonov19 кўришлар
АИ-80 бензини биржа савдоларига чиқарилди. Аммо уни АЁҚШларда сотишга рухсат берилмайди

Биржа савдоларига чиқарилган АИ-80 маркали бензин аҳолига автомобилларга ёқилғи сифатида сотиш учун эмас, балки қайта ишлаш корхоналарида хомашё сифатида фойдаланиш учун мўлжалланган. Бу ҳақда маҳсулот савдосига оид изоҳда маълум қилинди.

Қайд этилишича, биржага қўйилган АИ-80 бензини технологик қайта ишлаш жараёнида юқори октанли бензин ва бошқа кимёвий маҳсулотлар ишлаб чиқариш учун ишлатилиши мумкин.

Бироқ мазкур маҳсулотни барча харидорлар сотиб олиши мумкин эмас. Савдо шартларига кўра, АИ-80 бензинини фақат тегишли лицензияга эга бўлган қайта ишлаш корхоналари харид қилиши мумкин.

Бу ерда муҳим жиҳат шундаки, АИ-80 бензинининг биржа савдоларига чиқарилиши унинг автомобилларга ёқилғи сифатида сотувга қайтарилганини англатмайди. Яъни маҳсулотнинг АЁҚШларда аҳолига сотилиши бўйича амалдаги чекловлар ўз кучида қолади.

Шу сабабли биржа савдоларидаги АИ-80 бензинини чакана савдодаги ёқилғи билан адаштирмаслик керак. Ушбу савдоларнинг мақсади — бензинни қайта ишлаш жараёнида хомашё сифатида ишлатадиган, тегишли лицензияга эга корхоналарни маҳсулот билан таъминлаш.

Улашиш:

Ўхшаш янгиликлар

АИ-80 бензини биржа савдоларига чиқарилди. Аммо уни АЁҚШларда сотишга рухсат берилмайди | Effect.uz