Prezident Şavkat Mirziyoyev «Navoiyuran» korxonasi va «Özbekiston texnologik metallar kombinati» AJning 2026-yildagi ustuvor vazifalari hamda kelgusi rejalariga bağişlangan taqdimot bilan tanişdi. Unda toğ-kon sanoatida işlab çiqarişni kengaytiriş, yangi investitsiya loyihalarini amalga oşiriş va eksport salohiyatini oşiriş masalalari körib çiqildi.
Bugungi kunda jahon bozorida muhim minerallar va metallarga talab ortib bormoqda. Anʼanaviy metallarga talab yiliga örtaça 1 foizga össa, kritik minerallar bozorida bu körsatkiç 10 foizni taşkil etmoqda.
Şu munosabat bilan mamlakatda mavjud mineral-xomaşyo bazasidan samarali foydalaniş, yuqori qöşilgan qiymatli mahsulotlar işlab çiqariş va eksportni kengaytirişga qaratilgan işlar olib borilmoqda.
Taqdimotda «Özbekiston texnologik metallar kombinati» faoliyatiga alohida eʼtibor qaratildi. Joriy yil yakuniga qadar 12 ta investitsiya loyihasini işga tuşiriş, yuqori soflikdagi selen va tellur işlab çiqarişni kengaytiriş rejalaştirilgan.
Prezident muhim minerallar böyiça yangi işlab çiqariş yönalişlarini özlaştiriş vazifasini qöydi. Hozirgi 5 turdagi mahsulot — volfram, molibden, selen, tellur va reniyga qöşimça ravişda yana 11 turdagi mahsulot işlab çiqarişni yölga qöyiş közda tutilmoqda.
Rejaga köra, 2030-yilgaça 16 turdagi muhim metallar böyiça işlab çiqariş hajmini 2,7 milliard dollardan oşiriş maqsad qilingan.
Volframni çuqur qayta işlaş böyiça ham yirik loyihalar işlab çiqilgan. Ularni amalga oşiriş uçun 1,1 milliard dollar investitsiya jalb etiş va 2030-yilga borib uşbu yönalişdagi işlab çiqariş hajmini qariyb 2,2 milliard dollarga yetkaziş rejalaştirilgan.
Şuningdek, «Navoiyuran» korxonasida uran işlab çiqarişni köpaytiriş, yangi konlarni özlaştiriş va geologiya-qidiruv işlarini kengaytiriş masalalari muhokama qilindi.
Joriy yilda işlab çiqariş infratuzilmasini rivojlantiriş, qöşimça sorbsiya qurilmalarini işga tuşiriş hamda 250 ta yangi iş örni yaratiş rejalaştirilgan.
Prezident işlab çiqarişda muqobil texnologiyalardan foydalanişni kengaytiriş, 2030-yilgaça sulfat kislotasi örnini bosuvçi reagentlar uluşini 40 foizga yetkaziş zarurligini taʼkidladi.
Umumiy rejalarga muvofiq, 2030-yilgaça uran işlab çiqariş hajmini joriy yildagi 7,5 ming tonnadan 15 ming tonnaga, aniqlangan zaxiralar hajmini esa 200 ming tonnaga yetkaziş közda tutilgan.
Taqdimot yakunida mutasaddilarga investitsiya loyihalarini öz vaqtida amalga oşiriş, mineral-xomaşyo bazasini mustahkamlaş, yangi texnologik quvvatlarni işga tuşiriş va eksport hajmini oşiriş böyiça topşiriqlar berildi.
