Dastlabki hisob-kitoblarga ko‘ra, yetkazilgan zarar 1 milliard 516 million so‘mni tashkil etgan. Bu haqda “Hududgazta’minot” AJ xabar berdi.

Ma’lum qilinishicha, “Hududgaz Samarqand” filiali, O‘zenergoinspeksiya va huquqni muhofaza qiluvchi organlar hamkorligida fuqaro O.K.ga tegishli oshxonaning gaz xo‘jaligi tekshirilgan.

Tekshiruv davomida oshxonaga o‘rnatilgan elektron gaz hisoblagichning plombasi buzilgani, shuningdek, hisoblagich quvvati mavjud gaz jihozlariga mos kelmasligi aniqlangan.
Holat yuzasidan dalolatnoma rasmiylashtirilib, dastlabki hisob-kitoblarga ko‘ra, 1 milliard 516 million so‘mlik zarar qayd etilgan. To‘plangan hujjatlar huquqni muhofaza qiluvchi organlarga yuborilgan.