Maʼlum boʻlishicha, fermer xoʻjaligining soliq qarzdorligi sababli Majburiy ijro byurosi tomonidan yer maydonini onlayn-auksionga chiqarish toʻgʻrisida qaror qabul qilingan. Biroq mazkur qaror fermer xoʻjaligiga yuborilmagan va rasman tanishtirilmagan.

Qonunchilikka koʻra, ijro ishida ishtirok etuvchi shaxslar davlat ijrochisi chiqargan qarorlar va majburiy ijro choralari haqida albatta xabardor qilinishi shart.

Kengash tomonidan kiritilgan shikoyat asosida ish Namangan tumanlararo maʼmuriy sudida koʻrib chiqilib, Majburiy ijro byurosi ijrochisining 2025-yil 10-noyabrdagi qarori haqiqiy emas deb topilgan. Natijada fermer xoʻjaligining yer maydoni uning ixtiyorida qoldirilgan.