Oliy Majlis Qonunchilik palatasida deputat Qizilgul Qosimova Madaniyat vaziri Ozodbek Nazarbekovga ayrim serial va filmlarda qaynonalar va kelinlar oʻrtasidagi mojarolar tasvirlanayotgani hamda bunday loyihalarga davlat byudjetidan mablagʻ ajratilishi qanchalik toʻgʻri ekani yuzasidan savol yoʻlladi.

Deputat oʻz murojaatida oilaviy nizolarni markazga qoʻygan bunday seriallarning jamiyat maʼnaviyatiga qanday taʼsir koʻrsatishi masalasiga aniqlik kiritishni soʻradi.

Savolga javoban madaniyat vaziri Ozodbek Nazarbekov bu masalada jamiyatda maʼnaviy mezonlar aniq belgilab olinmaganini taʼkidladi.

“Maʼnaviyat chegarasini bilmayapmiz, u qayerda?” — dedi vazir.

Uning taʼkidlashicha, kino va seriallar mazmuni, ularning jamiyatga taʼsiri hamda davlat mablagʻlari hisobidan moliyalashtiriladigan loyihalar boʻyicha yondashuvlarni yanada takomillashtirish zarur.