Özbekistonda yölovçi liftlarida quriliş materiallari va çiqindilarini taşiş taqiqlanadi. Bino boşqaruvçilari liftlarga har oyda kamida bir marta texnik xizmat körsatilişini taʼminlaşi şart böladi. Hukumat tasdiqlagan yangi tartib 2027-yil 1-yanvardan kuçga kiradi.
Vazirlar Mahkamasining 2026-yil 22-oktyabrdagi 588-son qarori bilan Liftdan foydalaniş va unga texnik xizmat körsatiş tartibi töğrisidagi nizom tasdiqlandi.
Unga muvofiq, liftlarni röyxatdan ötkaziş, texnik xizmat şartnomalarini tuziş va bekor qiliş, xizmat natijalarini kiritiş hamda saqlaş «Xavfsiz lift» yagona idoralararo elektron platformasi orqali amalga oşiriladi.
Liftlar vakolatli organ tomonidan bepul röyxatga olinadi. Dastlabki texnik körik natijasi ijobiy bölsa, röyxatga oliş ikki iş kuni içida bajarilib, buyurtma beruvçiga QR-kodli maʼlumotnoma yuboriladi.
Kabinaning körinarli joyida liftning identifikatsiya raqami va röyxatga olingani haqida QR-kodli maʼlumot bölişi lozim. Şuningdek, bino boşqaruvçisi hamda texnik xizmat körsatuvçi taşkilotning nomi, manzili va boğlaniş maʼlumotlari joylaştiriladi.
Yangi nizomga köra, yölovçi liftining yuk kötariş qobiliyati qança bölişidan qati nazar, unda quriliş materiallari va quriliş çiqindilarini taşiş taqiqlanadi. Lift ölçamlariga mos kelmaydigan buyum va jihozlar, portlovçi, tez alangalanadigan, radioaktiv hamda zaharlilik darajasi öta yuqori moddalarni taşişga ham yöl qöyilmaydi.
Elektron platforma orqali sotib olinmagan va örnatilmagan lift hamda ehtiyot qismlardan foydalaniş ham taqiqlanadi. Örnatuvçi muomalaga çiqargan har bir lift uçun şu sanadan boşlab kamida uç yillik kafolat berilişi belgilangan. Kafolat davrida taʼmirlaş va qismlarni almaştiriş muddati 15 kundan oşmasligi kerak.
«Qizil» rangli maʼlumot yorliği bilan belgilangan liftdan foydalaniş taqiqlangan davrda unga texnik xizmat körsatilmaydi. Şu vaqt uçun xizmat körsatuvçi taşkilot bino boşqaruvçisidan har oylik texnik xizmat haqini talab qila olmaydi.
Texnik xizmat körsatuvçi taşkilotlar reyestriga kiriş esa onlayn xabar beriş orqali bepul amalga oşiriladi.
