Ijtimoiy tarmoqlarda reklama beruvçi blogerlar va ommaga tanilgan şaxslarning reklama faoliyati ham qonun talablaridan mustasno emas. Raqobat qömitasi ijtimoiy tarmoqlarda tarqatilayotgan reklama materiallarining Özbekiston Respublikasining «Reklama töğrisida»gi Qonuni talablariga muvofiqligini muntazam monitoring qilib bormoqda.
Qömita maʼlumotiga köra, ayni vaqtda ijtimoiy tarmoqlarda faoliyat yuritayotgan 110 nafar bloger röyxati şakllantirilgan. Ularning sahifalarida joylaştirilayotgan reklama materiallari kunlik tartibda kuzatib borilmoqda.
Monitoring natijasida 12 nafar bloger tomonidan reklama qonunçiligi talablariga zid bölgan reklama axborotlari joylaştirilgani aniqlangan.
Qayd etilgan qonunbuzilişlar yuzasidan uşbu blogerlarga nisbatan qonunçilikda belgilangan tartibda maʼmuriy javobgarlik çoralari qöllanilgan.
Maşhur şaxslar reklamasi ham nazoratda
Raqobat qömitasi faqat blogerlar faoliyati bilan çeklanib qolmayapti. Qömita maʼlum qilişiça, respublikada keng jamoatçilikka tanilgan qöşiqçilar, aktyor va aktrisalar hamda sportçilarning röyxati ham şakllantirilgan. Ularning ijtimoiy tarmoqlardagi reklamaga oid çiqişlari muntazam ravişda monitoring qilib borilmoqda.
Bu esa ijtimoiy tarmoqlarda reklama joylaştirişda auditoriyasi katta bölgan şaxslar ham qonunçilik talablariga amal qilişi lozimligini anglatadi.
Reklamada haqqoniylik talab etiladi
Qömita reklama beruvçilar, reklama tayyorlovçilar va tarqatuvçilar, şu jumladan, blogerlar hamda maşhur şaxslarni reklama materiallarini joylaştirişda «Reklama töğrisida»gi Qonun talablariga qatʼiy rioya qilişga çaqirmoqda.
Ayniqsa, reklamada haqqoniylik va işonçlilikni taʼminlaş, isteʼmolçilarni çalğituvçi yoki ularda tovar va xizmatlar haqida notöğri tasavvur uyğotişi mumkin bölgan axborotlarni tarqatmaslik muhimligi taʼkidlangan.
Yaʼni ijtimoiy tarmoqda reklama joylaştirilayotgani uni qonun talablaridan taşqarida qoldirmaydi. Reklama bilan boğliq munosabatlarda iştirok etayotgan har bir tomon belgilangan talablarga amal qilişi kerak.
Qömita qonunçilik talablarini bilmaslik yoki ularga eʼtiborsizlik bilan munosabatda böliş javobgarlikdan ozod etmasligini eslatgan.
Reklama qonunçiligi buzilgan holatlarda aybdor şaxslarga nisbatan qonunçilikda belgilangan tartibda taʼsir çoralari qöllaniladi.
Raqobat qömitasi ijtimoiy tarmoqlarda tarqatilayotgan reklamalar ustidan monitoringni yanada kuçaytiriş, qonunbuziliş holatlarini aniqlaş va ularning oldini oliş, isteʼmolçilar huquqlarini himoya qiliş hamda reklama bozorida qonuniylikni taʼminlaşga qaratilgan çoralarni izçil davom ettirişini maʼlum qildi.
