Nashrga koʻra, Tramp shanba kuni AQSHning Yaqin Sharqdagi noodatiy ittifoqchilari — Isroil va Saudiya Arabistonining bir necha hafta davom etgan faol lobbi harakatlaridan soʻng Eronga qarshi zarba berish toʻgʻrisida qaror qabul qilgan.

Muhammad bin Salmon soʻnggi bir oy ichida Tramp bilan bir necha bor shaxsiy telefon muloqotlarini oʻtkazib, AQSHning harbiy aralashuvini qoʻllab-quvvatlagan.

The Washington Postʼning yozishicha, Tramp qarorni AQSH razvedka hamjamiyatining baholariga qaramay qabul qilgan.

Razvedka hisobotlarida keyingi oʻn yil ichida Eron kuchlarining AQSH materik hududiga bevosita tahdid solish ehtimoli past ekani qayd etilgan edi.