Sudda “hal qiluvchi dalil” hisoblangan DNK ekspertizasi haqiqatan ham mutlaq ishonchli dalilmi? Yoki uning natijasiga taʼsir oʻtkazish mumkinmi? Bu savollar ayniqsa rezonans jinoyat ishlarida jamoatchilikni jiddiy qiziqtirmoqda.

Effect.uz jurnalisti Xolida Yoʻldosheva jamoatchilikdagi shu kabi savollarga javob topish maqsadida Xadicha Sulaymonova nomidagi Respublika sud ekspertizasi markazi laboratoriya mudiri Asilbek Normatov bilan suhbatlashdi.

Sud-tergov jarayonlarida “hal qiluvchi dalil” sifatida eʼtirof etiladigan DNK ekspertizasi haqida jamoatchilikda savollar koʻp. Ayniqsa, rezonans jinoyat ishlari, otalikni aniqlash, bedarak yoʻqolgan shaxslar taqdiri bilan bogʻliq holatlarda DNK natijalariga ishonch masalasi yanada dolzarb ahamiyat kasb etmoqda.

Shu bilan birga, jamiyat orasida “DNK ekspertizasini soxtalashtirish mumkinmi?”, “Ekspertlar qanchalik mustaqil?”, “Natijalarga tashqi taʼsir boʻlishi mumkinmi?” kabi savollar ham koʻp uchramoqda.

Intervyu davomida DNK ekspertizasining qanday oʻtkazilishi, uning xolisligi, natijalarning ishonchliligi hamda inson huquqlari nuqtayi nazaridan muhim jihatlar atroflicha muhokama qilingan.