Туркияда зўравонлик ва мажбурий меҳнат ҳолатларига дуч келган 17 ёшли Ўзбекистон фуқароси ватанга қайтарилди. Бу ҳақда Миграция агентлиги хабар берди. Маълум қилинишича, вояга етмаган фуқаро ўқиш баҳонасида Туркияга олиб борилган. У ерда мажбурий никоҳга ундаш, жисмоний зўравонлик ва мажбурий меҳнат ҳолатларига дуч келган. Шундан сўнг у Ўзбекистоннинг Истанбулдаги Бош консулхонасига мурожаат қилган.

Шунингдек, унинг Миграция жамғармаси маблағлари ҳисобидан Ўзбекистонга қайтарилиши таъминланган. Миграция агентлигига кўра, вояга етмаган фуқаронинг хавфсизлиги, ижтимоий-ҳуқуқий ва психологик ҳимоясини таъминлаш масалалари тегишли ташкилотлар назоратига олинган.