Rossiyalik hamkorlar bilan imzolangan kelishuv Olmaliqda sunʼiy intellekt boʻyicha yangi ilmiy markaz tashkil etilishini boshlab berdi.
MISISning Olmaliq filiali hamda “Sifra” davlat korporatsiyasi oʻrtasida hamkorlik memorandumi imzolandi. Hujjat ilmiy-taʼlim va innovatsion faoliyatni rivojlantirishga qaratilgan strategik sheriklikni mustahkamlaydi.
Kelishuv doirasida filialda sunʼiy intellekt boʻyicha zamonaviy ilmiy laboratoriya tashkil etish rejalashtirilgan. U amaliy tadqiqotlar olib borish, intellektual yechimlar ishlab chiqish va raqamli texnologiyalar sohasida mutaxassislar tayyorlash markaziga aylanadi.
“Sifra” davlat korporatsiyasi sanoatni raqamlashtirishga ixtisoslashgan yetakchi kompaniyalardan biri boʻlib, sunʼiy intellekt, katta maʼlumotlar tahlili va ishlab chiqarish jarayonlarini avtomatlashtirish boʻyicha yechimlar ishlab chiqadi. Kompaniya texnologiyalari togʻ-kon, metallurgiya va energetika sohalarida samaradorlik va xavfsizlikni oshirishga xizmat qilmoqda.
Mutaxassislar fikricha, mazkur hamkorlik ilmiy tadqiqotlarni rivojlantirish, taʼlimni sanoat bilan integratsiya qilish va yuqori talabga ega kadrlar tayyorlash uchun yangi imkoniyatlar ochadi.
Qoʻshma loyihalar amalga oshirilishi natijasida sanoatga ilgʻor raqamli texnologiyalarni joriy etish va mintaqaning ilmiy salohiyatini mustahkamlash kutilmoqda.
