So`ngi yangiliklar
Navoiyda 300 MVt quyosh fotoelektr stansiyasi va 75 MVt quvvatli energiya saqlash tizimi qurilishi boshlandi
Qozog‘istondagi avariyada O‘zbekiston fuqarolari halok bo‘ldi
Opta superkompyuteri 2026 yilgi Jahon chempionati uchun asosiy favoritni taxmin qildi
O‘zbekistonda turizm sohasida barqaror o‘sish qayd etildi
Turkiyaning Konya shahrida Jaloliddin Rumiy xotirasiga bag‘ishlangan “Shab-i arus” marosimi o‘tkaziladi
Pop tumanida 3,4 magnitudali zilzila ro‘y berdi
Saida Mirziyoyeva Xitoy Xalqaro kommunikatsiya markazi raisi bilan uchrashuv o‘tkazdi
Konstitutsiya — farovon hayotimiz va taraqqiyotimiz kafolati
Avtotransportlar uchun ekologik stikerlar berish tartibi tasdiqlandi
O‘zbekistonda avtotransport vositalarining ekologik sinfiga qarab ularga maxsus “yashil”, “sariq” va “qizil” rangli ekologik stikerlar beriladi. Hukumatning 2025 yil 28 noyabrdagi 750-son qarori bilan bu jarayonni tartibga soluvchi nizom tasdiqlandi.
Hukumat qaroriga muvofiq, avtotransport vositalaridan chiqariladigan ifloslantiruvchi moddalarning havoga ta’sirini baholash, ekologik toifalarni aniqlash va ekologik stikerlar berish tartibi belgilab qo‘yildi.
Nizomga ko‘ra, transport vositasining ekologik toifasi ishlab chiqaruvchi tomonidan tasdiqlangan ekologik sinf asosida belgilanadi.
Shu asosda transport vositalari quyidagi tartibda toifalanadi:
Benzin, siqilgan va suyultirilgan gazda harakatlanuvchilar:
“Yevro-2” va undan yuqori — “toza” toifa
“Yevro-0” va “Yevro-1” — “o‘rta” toifa
Dizel yoqilg‘isida harakatlanuvchilar:
“Yevro-4” va undan yuqori — “toza” toifa
“Yevro-3” — “o‘rta” toifa
“Yevro-0”, “Yevro-1”, “Yevro-2” — “zararli” toifa
Gibrid, muqobil yoqilg‘i turidagi hamda ishlab chiqarilganiga 3 yildan oshmagan avtomobillar — “toza” toifa
Ro‘yxatga olish yoki qayta ro‘yxatga olish jarayonida transport vositasining toifasiga mos ravishda ekologik stikerlar Davlat YHXX bo‘linmalarida ekologik operatorlar tomonidan beriladi.
Transport egalari istagiga ko‘ra, ekologik stikerni ixtiyoriy ravishda olish uchun Ichki ishlar vazirligi Jamoat xavfsizligi departamenti YHXX xizmatiga rasmiy veb-sayt yoki YAIDXP (my.gov.uz) orqali murojaat qilishi mumkin.
Belgilangan talablarga javob berganda, transport vositasiga uning ekologik toifasiga mos stiker taqdim etiladi. Stikerlar muddatsiz amal qiladi.
.jpg)
