Сўнгги кунларда ижтимоий тармоқларда дунёнинг энг машҳур клубларидан бири “Реал Мадрид” атрофидаги воқеалар шов-шувларга сабаб бўлмоқда. Бугунги мақоламиз орқали жамоа ичида содир бўлаётган ҳодисаларга бироз тўхталамиз.
Мадридда жанжал ва келишмовчиликлар ҳаддан ташқари кўпайиб кетди. Жамоа ичида парокандалик ҳукм сурмоқда. Футболчиларнинг аксарияти бош мураббий Арбеола билан гаплашмай қўйишган. Ҳатто, баъзи футболчилар очиқчасига Арбелоани танқид қилишган.
Биринчи бўлиб кеча, 7-май куни Федерико Валверде ҳамда Чуамени ўртасидаги муштлашувга келсак, дастлаб икки футболчи машғулотларда "гап талашиб" қолган ва бу жанжалга айланиб кетишига оз қолган.&нбсп;
Марcа нашрининг маълум қилишича, эртаси куни франсиялик футболчи Валвердега қўл бериб, кечирим сўраган, Феде эса уни узрини қабул қилмаган ва жанжал яна давом этган.&нбсп;
Манбага кўра, Чуамени Валвердега қаттиқ мушт туширган уругвайлик футболчи эса боши билан стулга урилган ва чуқур “нокаут” ҳолатига тушган. Шундан сўнг, уругвайлик футболчини шифохонага "замбил"да олиб кетишган, зарба натижасида унинг бошига чок тушган.&нбсп;
Шифокорлар айтишича, Валверде бир ҳафта футбол ўйнай олмайди ва 2 кундан кейин бўладиган Эл Классикода ўз жамоасига ёрдам бера олмайди. Ушбу жанжал интернетга яхшигина резонансни келтириб чиқарганидан сўнг Мадрид клуби расмий баёнот беришга мажбур бўлди.
“Реал Мадрид футбол клуби эрталабки машғулот пайтида Федерико Валверде ҳамда Орелен Чуамени ўртасида рўй берган вазият юзасидан суриштирув ишларини бошланганини маълум қилади. Ўрнатилган ички тартиб бўйича жараёнлар ўз ниҳоясига етгач, ўрганишлар натижаси клуб томонидан ўз вақтида эълон қилинади”.
Шунингдек, Федерико Валверденинг ўзи ҳам Инстаграм саҳифасида бўлган ҳолат юзасидан ўз фикрларини билдирди.
Уругвайлик футболчи буларнинг ҳаммаси жамоа бу мавсумни ёмон ўтказгани натижасида футболчилардаги асабийлик, бу барча жамоаларда ҳам кузатилиши мумкин бўлган ҳолат деб баҳолади ва жамоада хоин борлигини, у ичкаридаги барча маълумотларни жамоатчиликка сиздираётганини айтди.
"Кеча машғулот пайтида жамоадошим билан нохуш ҳолат юз берди. Мусобақалардан кейинги чарчоқ ва йиғилиб қолган асабийлик вазиятни аслидан ҳам каттароқ қилиб кўрсатди.
Оддий кийиниш хонаси муҳитида бундай ҳолатлар бўлиб туради ва одатда ҳаммаси ички тарзда ҳал қилинади, оммага чиқмайди.
Аниқки, кимдир бу ерда миш-миш тарқатяпти. Совринсиз ўтаётган мавсумда, доимо диққат марказида бўладиган Реал Мадрид атрофида эса ҳар қандай воқеа ортиқча бўрттирилади.
Бугун яна бир келишмовчилик бўлди. Баҳс пайтида мен тасодифан столга урилиб кетдим ва пешонамда кичик жароҳат пайдо бўлди. Шунинг учун оддий тиббий кўрикдан ўтишимга тўғри келди.
Ҳеч қайси вазиятда жамоадошим мени ургани йўқ, мен ҳам уни урмадим.
Менимча, вазиятдан келиб чиққан ғазабим, мавсум охирида баъзиларимиз қанчалик қийналаётганини кўриб тушкунликка тушишим ва бор кучимизни бераётганимизга қарамай натижа чиқмаётгани мени жамоадошим билан тортишиб кетиш даражасига олиб келди.
Кечирасизлар. Ростдан ҳам кечирасизлар, чунки бу вазият менга оғир ботяпти. Биз бошдан кечираётган давр жуда оғриқли.
"Реал Мадрид" — ҳаётимдаги энг муҳим нарсалардан бири. Мен унга бефарқ бўла олмайман. Ҳамма йиғилиб қолган ҳиссиётлар маъносиз жанжал билан якунланди, бу эса обрўйимга путур етказди ва оддий бахциз ҳодисани янада авж олдириш учун шубҳаларга ўрин қолдирди.
Мавсум тугагунча гапирмасликка қарор қилгандим. Чемпионлар лигасидан чиқиб кетганимиздан кейин ғазаб ва аламимни ичимда сақлаб юрдим.
Биз яна бир йилни бой бердик. Шу сабабли майдонда эмас, ижтимоий тармоқларда кўриниш беришга ўзимни ҳақли деб билмадим. Менимча, мен жавобни айнан майдонда беришга ҳаракат қилдим. Шунинг учун ҳам кейинги ўйинда тиббий қарор сабаб иштирок эта олмаслигим мени энг кўп ранжитяпти ва оғритяпти".
Феде ва Чуамени ўртасидаги муштлашувдан ташқари, яна бир шундай ҳолат кузатилди. Тҳе Атҳлетиcънинг келтиришича, жамоанинг энг тажрибали футболчиларидан бири Антонио Рудигер Алваро Каррерас билан тортишиб кетган ва футболчига тарсаки туширган. Кейин эса у ҳам барча жамоадошларидан узр сўраган.
Муштлашувга бормаган лекин "Реал" учун энг муаммоли тортишув Киллиан Мбаппе ҳамда Жуд Беллингем ўртасида бўлиб турибди.&нбсп;
Маълумотларга кўра, "қаймоқранглилар" таркибида бир неча ойдан бери асосий юлдузлар — Килиан Мбаппе ва Жуд Беллингем ўртасида можаро давом этмоқда. Можарога Ла Лиганинг бир учрашуви пайтидаги тортишув сабаб бўлган. Ушбу ҳолат феврал ойида юз берган. Шундан сўнг, Мбаппе ва Беллингем ўртасидаги муносабатлар ёмонлашган.
&нбсп;"Реал"даги муҳит франсуз футболчиси Парижда ўрганиб қолган шароитдан анча фарқ қилади. Ечиниш хонасидаги вазият идеалдан анча йироқ — жамоа ичида кескинлик сезилмоқда. "Реал" футболчилари бир-бири билан анча қаттиқ ва совуқ тарзда мулоқот қилади.
Мбаппега Беллингем билан муносабатлари ёмонлашувидан ташқари, бошқа жамоадошлари билан ҳам ораси совиган.
Бунга сабаб, франсиялик ҳужумчининг испаниялик актриса Эстер Экспосито билан Сардиниядаги ресторанлардан бирида тушган видеосини тарқалган эди. Ушбу кадрлар тарқалгач, жамоа раҳбарияти ва футболчилар жароҳатидан тикланаётган Мбаппенинг бундай сафаридан норози экани жамоаси қийин аҳволда қолганида у кўнгилхушлик қилиб юрганлиги барчани ғазаблантирган.
Мбаппе ва жамоа ўртасидаги шунча муаммолар етмагандек, у яна “қовун туширди”.
Испаниянинг Спорт нашри ёзишича, Валдебебасдаги машғулотдан сўнг, яъни аввалроқ Орелен Чуамени ва Федерико Валверде ўртасида жанжал чиққанидан кейин, Мбаппе клуб базасини яхши кайфиятда тарк этган. Камералар франсуз футболчисининг машғулот маркази ҳудудидан чиқиб кетаётганда машина ичида кулаётганини тасвирга олган.
Таъкидланишича, бу ҳолат “қаймоқранглилар” ичидаги таранг муҳит фонида кенг муҳокамаларга сабаб бўлган.
Мадрид клубининг энг "эркатой" футболчиси Винисиус Жуниор билан ҳам ишлари кўнгилдагидек эмас. Онда Cеро хабарига кўра, Винисиус Жуниор ҳамда "Реал Мадрид" ўртасида шартномани узайтириш бўйича музокаралар боши берк кўчага кириб қолган.&нбсп;
Манба маълумотига кўра, "Реал Мадрид" футболчининг барча талабларини бажариш ниятида эмас. Аввалроқ, Винисиус Жуниор клубдан маошини оширишни талаб қилаётгани ҳақида хабарлар тарқалганди. Бироқ, клуб позицияси қатъийлигича қолмоқда: раҳбарият алоҳида футболчиларга ён босишни истамаяпти ва ҳеч кимни жамоада мажбурлаб ёки пул билан ушлаб қолиш ниятида эмас.
Шунингдек, "Реал Мадрид" раҳбарияти Винисиус Жуниор томонидан тарқалаётган маълумотлар сизиб чиқишидан ҳайратда экани айтилмоқда. Бу ҳолат клуб президенти Флорентино Переснинг норозилигига сабаб бўлган.
Ҳа, ростдан ҳам жамоа ичида барча маълумотларни сиздириб чиқараётган шахс бор. Буни барча бот-бот гапирмоқда. Нима бўлган тақдирда ҳам дунёдаги энг машҳур клуб учун бу жуда уятли ҳолат. Жамоа ичида барча бир-бирини айбламоқда. Парокандалик авж олган. Бу воқеликлар қачонгача давом этиши биз учун қоронғу, лекин шуниси аниқки “Реал Мадрид”дек қудратли жамоа кўз ўнгимизда ич-ичидан емирилмоқда.&нбсп;
Ҳа айтганча, 10-май куни мадридликлар “Барселона” меҳмони бўлади. “Камп Ноу”даги баҳсда Флик шогирдлари ғалаба қозонишса, расман чемпионликни қўлга киритишади. “Реал” футболчилари эса шунча муаммолардан ташқари, ўзларининг кўз ўнгида азалий рақиблари ғалабани тантана қилишларига гувоҳ бўлишади. Биз эса мазкур учрашувдан сўнг, бу мавзуларга яна тўхталамиз.&нбсп;
Эътиборингиз учун раҳмат!
Муаллиф: Беҳрузбек Шоимқулов
