Ўзбекистонда маҳаллий ва халқаро компаниялар, жумладан ИТ Парк Узбекистан резидентлари фаолиятининг кенгайиб бориши нафақат пойтахтда, балки мамлакат ҳудудларида ҳам янги иш ўринларининг яратилишига хизмат қилмоқда. Янги имкониятлар тажрибали мутахассислар билан бир қаторда, профессионал фаолиятини энди бошлаётган талабалар ва битирувчилар учун ҳам яратилмоқда.

Иш берувчилар ва иш изловчилар ўртасидаги тизимли ҳамкорликни йўлга қўйиш мақсадида ИТ Парк Узбекистан номзодларнинг касбий тажрибаси, мутахассислиги, тил кўникмалари ва афзал кўрган бандлик шакли ҳисобга олинадиган ягона номзодлар базасини шакллантирмоқда.

Базадан рўйхатдан ўтган номзодларнинг резюмелари тегишли вакант лавозимлар мавжуд бўлганда ва мутахассисларга мос талаб шаклланганда йирик халқаро ва маҳаллий компанияларга, жумладан ИТ Парк Узбекистан резидентларига юборилиши мумкин. Бу иш берувчиларга очиқ лавозимлар учун мос номзодларни кўриб чиқиш, иш изловчиларга эса ўз профессионал профилини потенсиал иш берувчиларга тақдим этиш учун қўшимча имконият яратади.

Ташаббус Ўзбекистоннинг барча ҳудудларини қамраб олади ҳамда тажрибали мутахассислар билан бир қаторда, профессионал йўлини энди бошлаётган талабалар ва яқинда олий таълим муассасасини тамомлаган битирувчиларга ҳам мўлжалланган.

Компаниялар талаби фақат анъанавий ИТ-касблар билан чекланмайди. Дастурчилар, ҚА-муҳандислар, маълумотлар билан ишлаш бўйича мутахассислар ва дизайнерлардан ташқари, маркетинг, савдо, мижозларга хизмат кўрсатиш, молия, бухгалтерия ҳамда маъмурий бошқарув йўналишларидаги мутахассисларга ҳам талаб мавжуд. БПО ва cалл-марказ йўналишлари учун кадрларга бўлган эҳтиёж ҳам алоҳида ортиб бормоқда.

Хорижий тилларни биладиган мутахассисларга ҳам талаб юқори. Халқаро бозорларда фаолият юритадиган ва хорижий мижозлар билан ишлайдиган компаниялар учун инглиз, рус, немис, франсуз, испан, турк, араб, хитой, япон ва корейс тилларини биладиган номзодлар айниқса долзарб ҳисобланади.

Муайян иш берувчининг талабларидан келиб чиқиб, номзодларга офисда, гибрид ёки масофавий ишлаш форматлари таклиф этилиши мумкин. Бу ҳудудлардаги номзодлар учун қўшимча имкониятлар яратиб, мутахассисларни излаш географиясини Тошкентдан ташқарига ҳам кенгайтиради.

Номзодлар базасини шакллантириш воситаларидан бири Талент Парк лойиҳасидир. Махсус бот орқали иш изловчилар ўз резюмеларини юбориши, тажрибаси, кўникмалари ва профессионал йўналиши ҳақида асосий маълумотларни тақдим этиши мумкин. Тегишли вакант лавозимлар пайдо бўлганда, уларнинг профиллари йирик маҳаллий ва халқаро компаниялар, жумладан ИТ Парк Узбекистан резидентлари кўриб чиқиши учун юборилиши мумкин.

Бундан ташқари, долзарб карера имкониятлари ва очиқ вакансиялар ҳақидаги маълумотлар лойиҳанинг Телеграм-каналида эълон қилиб борилади.

Базадан рўйхатдан ўтиш автоматик тарзда ишга жойлашишни англатмайди ва иш ўрнига эга бўлишни кафолатламайди. Шу билан бирга, у мутахассисларга ўз профессионал профилини ИТ Парк Узбекистан экотизимидаги компанияларга тақдим этиш ҳамда кейинги номзодларни танлаш жараёнларида инобатга олиниши учун қўшимча имконият яратади.

Шу тариқа, лойиҳа мутахассисларнинг Ўзбекистоннинг ривожланиб бораётган ИТ, БПО ва хизмат кўрсатиш соҳаларида яратилаётган имкониятлардан фойдаланиш доирасини кенгайтиришга, компанияларга эса зарур кадрларни тезроқ топишга кўмаклашади.

Бундай воситаларни ривожлантириш, шунингдек, ҳудудлардаги кадрлар салоҳияти ҳамда мутахассислар қайси йўналишларда ишлашга қизиқаётгани ҳақида янада тўлиқ тасаввур шакллантириш имконини беради.

Резюмени @талент_парк_бот орқали юбориш, долзарб имкониятларни эса @талентпаркуз Телеграм-канали орқали кузатиб бориш мумкин.