Тошкент марказида жойлашган Қурилиш вазирлиги биноси қарийб 200 млрд сўмга хусусий секторга сотилди. Ауксион ғолиби — “Ҳамкорбанк”.

Қайд этилишича, Қурилиш вазирлиги биноси қайта ауксионга қўйилиб, бу сафар “Ҳамкорбанк” томонидан 196,6 млрд сўмга харид қилинган.

Обект Абдулла Қодирий ва Абай кўчалари кесишмасида, Ўрда массиви ҳудудида жойлашган бўлиб, стратегик ва тижорий жиҳатдан муҳим локация ҳисобланади. Бино атрофида бир қатор йирик банк офислари, жумладан “Туронбанк”, “Агробанк”, “Ўзсаноатқурилишбанк”, “Алоқабанк”, “Асакабанк” ҳамда БРБ филиаллари фаолият юритади. Шунингдек, Ташкент Cитй мажмуаси ҳам ушбу ҳудудга яқин жойлашган.

Маълумотларга кўра, биноларнинг умумий майдони 11 725 квадрат метрни, унга туташ ер майдони эса 0,48 гектарни ташкил этади. Обект барча асосий муҳандислик коммуникациялари — электр, газ, сув ва канализация тизимлари билан таъминланган.

Ауксионда лотнинг бошланғич нархи 187,2 млрд сўм этиб белгиланган. Савдо якунида “Ҳамкорбанк” энг юқори — 196,6 млрд сўмлик таклиф билан ғолиб деб топилган.

Эслатиб ўтамиз, мазкур обект илк бор 2025-йил ноябр ойида хусусийлаштириш дастури доирасида савдога чиқарилган эди. Ўшанда “Ўзшаҳар Қурилиш Инвест” компанияси 182,4 млрд сўмлик таклиф билан ғолиб бўлганди.