Буюк Британия 8-октябр куни Қирғизистонда рўйхатдан ўтган учта компания ва улардан бирининг раҳбари Улан Букабаевга нисбатан санксиялар жорий этди. Чекловлар Россияга қарши санксиялар доирасида киритилган. Бу ҳақда “Эcономист.кг” хабар берди.
Санксиялар “Процессинг КейДжи” аксиядорлик жамияти, “ТокенСпот” ёпиқ аксиядорлик жамияти, “Сунами Пейменц” масъулияти чекланган жамияти ҳамда “Процессинг КейДжи” раҳбари Улан Букабаевга нисбатан қўлланилган.
Чекловлар компаниялар активларини музлатиш, улар билан боғлиқ айрим молиявий операцияларни амалга ошириш ва муайян хизматларни кўрсатишни тақиқлашни назарда тутади. Шунингдек, Британия банкларига ушбу тузилмалар билан вакиллик муносабатларини ўрнатиш, молиявий ташкилотларга эса уларнинг манзилига, улардан ёки улар орқали тўловларни амалга ошириш тақиқланган.
Британия томони ушбу компаниялар фаолияти Россия расмийларига наф келтириши ёки уларни қўллаб-қувватлаши мумкин, деб ҳисоблайди. Санксиялар рўйхатидаги асосий компаниялардан бири — “Процессинг КейДжи”. Британия расмийлари Қирғизистон Молия вазирлигини мазкур компаниянинг бош ташкилоти сифатида кўрсатган. “Эcономист.кг” маълумотига кўра, 2025-йил июл ойида вазирлик компаниянинг ягона аксиядорига айланган.
“Процессинг КейДжи” Қирғизистон ҳукумати томонидан таъминланган векселлар асосида халқаро савдо операцияларига хизмат кўрсатишга мўлжалланган ВехПай тўлов платформасини ривожлантирмоқда. Компания ушбу векселларни чиқариш, ўтказиш ва улар бўйича ҳисоб-китобларни амалга ошириш билан шуғулланади. 2025-йил ёзида Улан Букабаев янги процессинг маркази савдо ва молиявий операцияларга хизмат кўрсатишини, шунингдек, халқаро молиявий хабарлар алмашинуви тизими — СWИФТ&амп;апос;га муқобил бўлишини айтган.
Аввалроқ “Финанcиал Тимес” нашри Россиянинг А7 тўлов тармоғи вакиллари 2025-йил апрел ойида ВехПай платформасини Қирғизистон расмийларига СWИФТ&амп;апос;нинг муқобили сифатида тақдим этгани ҳақида хабар берган. Бироқ Қирғизистон Молия вазирлиги ва “Процессинг КейДжи” платформа ташқи томондан назорат қилинаётгани ҳақидаги даъволарни рад этган. Улан Букабаевга нисбатан шахсий чекловлар ҳам жорий қилинган. Жумладан, унинг Британияга кириши тақиқланган ва раҳбарлик лавозимларини эгаллаш имконияти чекланган.
Санксияга учраган яна бир компания — “ТокенСпот” Бишкекда рўйхатдан ўтган криптовалюта биржаси бўлиб, асосан Россия ва бошқа Мустақил Давлатлар Ҳамдўстлиги мамлакатларидаги фойдаланувчиларга мўлжалланган. Платформа орқали криптовалюталарни рубл ва бошқа валюталарга сотиб олиш ва сотиш, маблағларни банк орқали киритиш ва ечиб олиш, шунингдек, спот ҳамда фючерс бозорларида савдо қилиш мумкин.
