Дунё иқтисодиётида критик минералларнинг стратегик аҳамияти тобора ортиб бормоқда. Сунъий интеллект, электромобиллар, авиация ва замонавий энергетика саноати ушбу ресурсларга бевосита боғлиқ.

АҚШ минераллар таъминотини диверсификация қилиш мақсадида Марказий Осиё билан ҳамкорликни кенгайтирмоқда. Самарқандда АҚШ Давлат котиби Марко Рубио иштирокида ўтган C5+1 учрашувларида ҳам бу масала муҳим ўрин тутди.

Хўш, Ўзбекистон бу жараёнда қандай имкониятларга эга?

Мамлакатимиз волфрам, молибден, литий, графит, германий каби муҳим минерал ресурсларга ва 100 дан ортиқ лойиҳалар портфелига эга.

Президент Шавкат Мирзиёев раҳбарлигида Ўзбекистонда хорижий инвесторлар учун қулай шароитлар яратиш, замонавий технологияларни жалб этиш ва юқори қўшилган қийматли маҳсулотлар ишлаб чиқаришга кенг имкониятлар очилмоқда.

Бу жараёнда Ўзбекистон технологик металлар комбинати (ТМК) халқаро компаниялар билан амалий ҳамкорликни фаоллаштирмоқда.

Жумладан, АҚШнинг ДФC корпорацияси билан 4,2 миллиард долларлик инвестиция лойиҳаларини молиялаштириш имкониятлари кўриб чиқилмоқда.

Шунингдек, Металлиcа Cоммодитиес билан 1,027 миллиард долларлик 5 та, Васт Ресоурcес билан 29,4 миллион долларлик 6 та лойиҳани биргаликда амалга ошириш имкониятлари муҳокама қилинмоқда.

Самарқанддаги C5+1 доирасида ТМК 25 дан ортиқ хорижий компания ва ташкилот билан ҳамкорлик масалаларини кун тартибига киритди.

Муҳим ташаббуслардан бири Металлиcа Cоммодитиес билан боғлиқ. ТМК компанияга “Келажак металлари технопарки”да саноат чиқиндиларидан қимматли металлар ажратиб олиш бўйича қўшма лойиҳа ташкил этишни таклиф қилди. Америка томони ушбу технологияни бутун Марказий Осиё миқёсида қўллаш имкониятларига қизиқиш билдирди.

Ўзбекистоннинг асосий мақсади минерал ресурсларни шунчаки экспорт қилиш эмас, балки уларни чуқур қайта ишлаб, юқори қўшилган қийматли маҳсулотларга айлантиришдир.

C5+1 доирасидаги музокаралар эса бу йўналишда янги инвестициялар, илғор технологиялар ва халқаро саноат ҳамкорлигини ривожлантириш учун муҳим имкониятлар очди.