ЙТҲ тупроқ ортилган Ҳоwо русумли юк автомашинаси тормоз тизимидаги носозлик сабаб юз берган. 3 киши вафот этган ва 4 киши жароҳат олган.

Андижон вилоятининг Булоқбоши туманида юк машинаси тормози ишламай қолиши оқибатида ЙТҲ юз бериб, 3 киши ҳалок бўлди, яна 4 киши жароҳатланди. Бу ҳақда вилоят ЙҲХБ матбуот хизмати хабар берди.

Воқеа 10-октябр куни соат 09:40 ларда “Нефтчилар” МФЙ, Кончилар кўчасида содир бўлган. Дастлабки маълумотларга кўра, Нефтчилар—Кулла йўналишида ҳаракатланаётган, 1978-йилда туғилган Ў.А. бошқарувидаги тупроқ ортилган Ҳоwо русумли юк автомашинаси тормоз тизимидаги носозлик сабабли бошқарувни йўқотган.

Оқибатда юк автомашинаси қарама-қарши йўналишда ҳаракатланаётган Cобалт, Нехиа, БЙД Сонг Плус ва Нехиа-2 автомашиналари, шунингдек, йўлнинг ўнг томонида тўхтаб турган Нехиа-3, Дамас ва Матиз русумли транспорт воситаларини уриб юборган. Кўча бўйида жойлашган дўконларга ҳам зарар етган. ЙТҲ оқибатида 3 нафар фуқаро воқеа жойида вафот этган. Ҳоwо юк автомашинаси ҳайдовчиси ва яна 3 нафар фуқаро турли тан жароҳатлари билан туман шифохонасига ётқизилган.

Мазкур ҳолат юзасидан Булоқбоши тумани ИИБ ҳузуридаги Тергов бўлими томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисми билан жиноят иши қўзғатилган. Ҳозирда ҳодисанинг барча ҳолатларини аниқлаш юзасидан дастлабки тергов ҳаракатлари олиб борилмоқда.