Бугун, 27 сентябрь куни  Тошкент халқаро кинофестивали арафасида Кинематография агентлиги кенгайтирилган матбуот анжуманини ташкил этилди. Ушбу матбуот анжуманида Effect.uz Ахборот агентлиги журналисти Аброр Эшонхонов қатнашди.

 

                                                                                                                  ФОТО: EFFECT.UZ
                                                                                                                         ФОТО: EFFECT.UZ

Конференцияда бир қатор видеороликлар намойиш этилди – фестивалнинг юлдуз меҳмонларининг табрик сўзлари, Жаҳон киноси кунлари дастури доирасида намойиш этиладиган 14 та давлатда суратга олинган фильмлар ҳақидаги видео, шунингдек “Тошкент халқаро кинофестивалининг 10 та ёрқин воқеаси” видеоролиги намойиш этилди.

                                                                                                                  ФОТО: EFFECT.UZ

Тошкентга келадиган машҳур инсонлар қаторида Люк Бессон, Стивен Сигал, Франко Неро, Жерар Депардье, Никита Михалков, Митхун Чакраборти, машҳур турк сериаллари юлдузлари ва бошқалар бор.

Таъкидлаш жоизки, Тошкент халқаро кинофестивалига дунёнинг 14 мамлакатидан жаҳонга машҳур актёрлар, режиссёрлар, сценарий муаллифлари ва бастакорлар ташриф буюришади. Жумладан кинофестивальда рус, турк, ҳинд, поляк, беларус, исроил, француз, итальян, эрон, миср, озарбайжон, қозоқ, тожик, қирғиз ва бошқа бир қатор мамлакатлар кино юлдузлари иштирок этишади.

 

                                                                                                                               ФОТО: EFFECT.UZ
                                                                                                                        ФОТО: EFFECT.UZ

Улар кинофестивалнинг тадбирларида – Жаҳон киноси кунларида, маҳорат дарсларида ва ижодий учрашувларда иштирок этишади ва нафақат Тошкентга, балки Ўзбекистоннинг бошқа бир қатор вилоятларига ташриф буюришади. Маълумот ўрнида, Тошкент халқаро кинофестивали илк бор 1997 йил “Халқлар дўстлиги” саройида ўтказилди.

Эслатиб ўтамиз, Тошкент халқаро кинофестивалининг очилиш маросими 28 сентябрь куни янги ташкил топган Кинояилар уйида бўлиб ўтади.