Жорий йилнинг 20 июль куни Ислом тараққиёт банки (ИТБ), Бошқарувчилар Кенгаши раиси, Ўзбекистон Республикаси Бош вазирининг ўринбосари – инвестициялар ва ташқи савдо вазири Сардор Умурзаков ИТБ Гуруҳининг Бош котибияти тасдиғига мувофиқ, Бошқарувчилар Кенгаши Саудия Арабистони Подшоҳлиги томонидан таклиф этилган номзод – доктор Муҳаммад Сулаймон ал-Жассирни ИТБнинг янги президенти лавозимига беш йил муддатга сайлаш тўғрисида сиртдан қарор қабул қилинганлиги ҳақида эълон қилди.

                                                                                                                              ФОТО: Инвестициялар ва ташқи савдо вазирлиги

Бошқарувчилар Кенгаши, шунингдек, Икки муқаддас масжид ходими, Подшоҳ Салмон ибн Абдулазиз Ол Сауд ва Саудия Арабистони Подшоҳлиги ҳукуматига ИТБни ташкил этилганидан буён қўллаб-қувватлаб келаётгани учун ўзининг чуқур миннатдорлигини билдириши хусусида қарор қабул қилди.

Қарорда доктор Бандар ибн Муҳаммад Ал-Ҳажар Жаноби Олийлари томонидан сайланганидан буён ИТБ тузилмалари ва ИТБ Гуруҳи олдида амалга оширилган мукаммал фаолияти ҳамда ўтган давр мобайнида жаҳон молия бозорларидаги молиявий ташкилотлар орасида ўз мавқеини кўтаришга имкон берган улкан муваффақиятлари Банк Бошқарувчилари Кенгаши томонидан эътироф этилгани ва юқори баҳолангани акс эттирилган.

                                                                                                                                    ФОТО: Инвестициялар ва ташқи савдо вазирлиги

2021 йил, 6 июль, сешанба куни Умурзаков раислиги ва Қўмита аъзолари бўлган Бошқарувчилар иштирокидаги Банк Бошқарувчилари Кенгашининг Тартиб-таомиллар бўйича қўмитаси ИТБ раиси лавозимида доктор Бандар ибн Муҳаммад ал-Ҳажар Жаноби Олийлари ўрнига фаолият юритиш учун Саудия Арабистони Подшоҳлиги вакили, доктор Муҳаммад ал-Жассир Жаноби Олийларининг номзодини кўриб чиқиш мақсадида видеоконференция ўтказди.

                                                                                                                                         ФОТО: Инвестициялар ва ташқи савдо вазирлиги

Ушбу йиғилиш чоғида Қўмита доктор ал-Жассирни кейинги 5 йилга ИТБнинг янги Президенти лавозимига сайлаш тўғрисидаги қарор лойиҳасини қабул қилишни тавсия этди.

                                                                                                                            ФОТО: Инвестициялар ва ташқи савдо вазирлиги
                                                                                                                               ФОТО: Инвестициялар ва ташқи савдо вазирлиги

Шунингдек, Қўмита доктор Ҳажжарга миннатдорлик мактубини юбориш тўғрисида яна бир қарор лойиҳасини қабул қилишни тавсия қилди. Иккала қарор лойиҳаси ҳам Директорлар кенгаши аъзоларига сиртдан қабул қилиш учун тақдим этилди.

Добавить комментарий

Ваш адрес email не будет опубликован. Обязательные поля помечены *