Қирғизистон пойтахти Бишкекда келин ўғирлаш ва қизларни зўрлаб турмушга беришга қарши норозилик намойиши бўлди.
Мамлакат ИИВ биноси олдида юзлаб намойишчилар тўпланган. Уларнинг қўлларида “Жиноят жазоланиши шарт”, “Бизни ўғирлашни бас қилишлари учун неча кишимиз ўлиши керак” ва “Ала качуу – бу анъана эмас” деб ёзилган плакатлар бор. “Шарманда” деб бақиришмоқда.
Намойишчиларнинг бир қисми республика ички ишлар вазири Улан Ниязбеков истеъфоси ҳамда ҳуқуқни ҳимоя қилиш органлари ходимларини ҳаракатсизлик учун жавобгарликка тортишни талаб қилмоқда.
27 ёшли Айзада Кантабековнинг шов-шувли ўлими митинг уюштирилишига сабаб бўлган. Уни 5 апрель куни номаълум шахслар ўғирлаб кетган.
Қизнинг қариндошлари бу ишни унинг таниши никоҳга мажбурлаш мақсадида қилган бўлишини мумкинлигини тахмин қилишмоқда.
Милиция олиб борган иш ўз натижасини бермаган. 7 апрель куни Бишкек яқинидаги далада чўпон гумонланувчининг автомобилини топган.
Машина ичида қиз ва уни ўғирлагани гумон қилинаётган шахснинг жасади бўлган. ИИВнинг хабар қилишича, дастлабки тергов суриштирувларига кўра, эркак даҳанаки жангдан сўнг Канатбековани бўғиб ўлдирган, кейин ўз жонига қасд қилган.
Бу воқеа Қирғизистон президенти Садир Жапаровнинг қулоғига ҳам етиб борган ва у Айзада Канатбекованинг ўғирланиши ва ўлими суриштирувини шахсий назоратига олган.
Жапаров Айзада Канатбекова билан боғлиқ бу фожиали воқеа келиш ўғирлаш тарихидаги сўнггиси бўлиши ва айбдорлар жазоланиши кераклигини таъкидлаган.

Добавить комментарий

Ваш адрес email не будет опубликован. Обязательные поля помечены *