Қўқонда банк ходими ишонувчан мижознинг миллиардлаб сўмини қўлга киритди ва сўнгра загранпаспорт олиб, Ўзбекистонни тарк этди. Бу ҳақда Sputnik Ўзбекистон ИИВ ҳузуридаги Тергов департаментига таяниб хабар бермоқда.

Тергов ҳаракатлари жараёнида маълум бўладики, воқеа 2020 йилнинг июль-декабр ойлари оралиғида содир бўлган.

“Агробанк Қўқон шаҳри филиали”  ходими – 31 яшар Ҳусанжон Т. банк мижози бўлган таниши – 38 ёшли, хусусий корхона раҳбари бўлган Камолиддин И.ни банк тизими пул ўтказмалари орқали пулларни айлантириб, кўп фойда олиши мумкинлигига қизиқтиради.

Камолиддин банк ходими Ҳусанжонга 20 минг АҚШ доллари миқдорида қарз берганида, фирибгар содда мижозга бир ойлик фойданинг ярми деб бошланишига 2 миллион 250 минг сўм пул олиб келиб, кейинчалик олган пуллари фойдаси деб жами 240 миллион сўм беради.

Мижоз қизиқиб янада кўпроқ пул бергач, орадан маълум бир вақт ўтиб, банк ходими – Ҳусанжон хорижга чиқиш паспортини олиб Қирғизистон Республикасига чиқиб кетади. Камолиддин Ҳусанжонга жами 71 200 АҚШ доллари ва 1 009 258 000 сўм пул маблағларини топширган.

Камолиддин бу пулларни ўз эҳтиёжлари учун сарфлаб, бир қисмига ер участкаси сотиб олиб, бир қисмини таниш аёлига берганлиги маълум бўлган.

Мазкур ҳолат юзасидан Қўқон шаҳри бўйича ИИО ФМБ Тергов бўлими томонидан Ҳусанжон Т.га нисбатан Ўзбекистон Республикаси Жиноят кодексининг 168-моддаси 4-қисми “а” банди (Фирибгарлик) билан жиноят иши қўзғатилган. Ҳозирда Ҳусанжон Т.,ни ушлаш чоралари кўрилмоқда.

ОММАБОП ХАБАРЛАР

Қорақалпоғистонда 5 нафар фуқаро заҳарланишдан вафот этди
Қариликни тан олмаётган футболчи яна терма жамоага қайтади
Шавкат Мирзиёев узоқ кутилган қарорни имзолади
Ўзбекистонда айрим хотин-қизлар ҳокимликлар ва ОТМ ҳисобидан ўқитилиши мумкин