Тошкентнинг Миробод туманидаги Нукус ва Амир Темур кўчалари кесишган чорраҳада вакциналарни ташиш учун мўлжалланган бир нечта автомобиль иштирокида йўл-транспорт ҳодисаси содир бўлди. Бу ҳақда Daryo нашри ИИВ ЙҲХББ ахборот хизматига таяниб хабар берди.

Маълум қилинишича, авария 23 февраль куни соат 11:30 ларда автомобиль ҳайдовчиларидан бирининг кескин тормоз босиши оқибатида юзага келган. Машина кескин тўхташни амалга оширгани сабаб машина ортида ҳаракатланаётган яна 6 та Miniven-Labo ҳам кескин тормозланишини амалга оширган.

Соғлиқни сақлаш вазирлиги матбуот хизматининг ёзишича, 23 февраль куни ЮНИСЕФ томонидан Санитария-эпидемиологик осойишталик ва жамоат саломатлиги хизмати учун 17 та музлаткичли юк машинаси ва 206 та Miniven-Labo автомобиллари топширилган.

Машиналарнинг умумий қиймати 2 миллион долларни ташкил этади. Ушбу маблағ Вакциналар ва иммунизация бўйича глобал альянси (GAVI) томонидан соғлиқни сақлаш тизимини мукаммаллаштириш доирасида ажратилган.

Ҳодиса натижасида 2 та автомобиль техник шикастланган. Тан жароҳати олган фуқаролар йўқ. Мазкур ҳодиса юзасидан Тошкент шаҳар ИИББ ЙҲХБ томонидан суриштирув ишлари олиб борилиб, ҳодиса содир бўлиш сабабларига ойдинлик киритилмоқда“, — дейилади идора хабарида.

Оммабоп хабарлар

Ўзбекистонда яна бир масжид фаолиятини бошлади
Шавкат Мирзиёев лойиҳалар билан танишди
UzAuto Motors фаолиятини қачондан тиклаши маълум бўлди
Бир қўғирчоқ икки кишини ҳаётига зомин бўлди
Facebook Comments