Шу йилнинг 19 октябрь куни Ўзбекистонда 304 ҳолатда касаллик қайд этилди. Бу ҳақда ССВ матбуот хизмати хабар бермоқда.

Шу билан бирга, 4 нафар коронавирусга чалинган бемор вафот этиб, жами кўрсаткич 531 нафарга етди.

Эътиборли жиҳати, бугун Тошкент шаҳри, Қорақалпоғистон Республикаси, Хоразм, Тошкент, Сирдарё, Наманган, Андижон, Жиззах, Самарқанд, Бухоро, Навоий, Фарғона вилоятларида 316 нафар бемор тузалди.

Ҳозирда касаллик қайд этилган жами 63607 нафар бемордан 60717 нафари соғайиб, даволаниш кўрсаткичи 95 фоизни ташкил этмоқда.

Айни пайтда тиббиёт муассасаларида даволанаётган 2 359 нафар бемордан 308 нафари оғир, 91 нафари эса ўта оғир аҳволда.