Хитойнинг TikTok хизмати Oracle Corpartion ва Walmart билан ҳамкорлик қилишини маълум қилди.

Аввалроқ АҚШ президенти Доналд Трамп Американинг Oracle томонидан TikTok дастурини сотиб олишга розилик берган эди. Унинг қўшимча қилишича, Walmart ҳам битимда иштирок этиши мумкин. АҚШ Савдо вазирлиги TikTok дастурини юклаб олишни тақиқлашни бир ҳафтага, 27 сентябрь охиригача қолдирди.

Биз TikTok, Oracle ва Walmart таклифлари АҚШ ҳукуматининг хавфсизлик муаммоларини ҳал қилишидан ва АҚШдаги TikTok келажагини ҳал қилишидан жуда хурсандмиз … Биз ўзимизнинг хилма-хил ва ижодий жамоатимизга хизмат қилишда давом этишимиздан жуда хурсандмиз”, – дейилади TikTok баёнотида.

Таъкидланишича, Oracle TikTok'нинг техник шеригига айланади, шу жумладан америкалик фойдаланувчилар маълумотларининг хавфсизлиги учун жавобгардир ва хизмат Walmart билан тижорат ҳамкорлигини амалга оширмоқчи. TikTok хизмати АҚШда 25 мингга яқин иш ўрни яратишни режалаштирмоқда.

Ушбу лойиҳа орқали Oracle АҚШдаги барча фойдаланувчи маълумотларини сақлаш ва АҚШнинг миллий хавфсизлик талабларига тўлиқ мос келишини таъминлаш учун тегишли компьютер тизимларини хавфсизлигини таъминлаш учун масъул бўлган ишончли технологик провайдеримизга айланади. Ҳозирда биз Walmart билан тижорат соҳасида ҳамкорлик қилмоқдамиз”, – дейилади хабарда

Баёнотда шунингдек, TikTok жамоаси доимий равишда турли фойдаланувчиларга хавфсиз ва кенг қамровли платформани тақдим этиш устида иш олиб бориши таъкидланган.