Вангелия Пандева Гуштерова (Ванга) дунёга машҳур бўлган башоратчи. У 1911 йил 31 январь куни Македониянинг Струмитса шаҳарчасида, деҳқон оиласида дунёга келган.

Ванга 12 ёшлигида чангли гирдобда қолиб кетади ва оғир жароҳат олади. Оқибатда унинг кўзи ожиз бўлиб қолади. Бахтсиз ҳодисадан сўнг у башорат қилиш хусусиятига эга бўла бошлайди.

Ванга Иккинчи жаҳон уруши йиллари жанг майдонларидан кимлар омон қайтишини аниқ башорат қилиб, кенг оммага танилди.

Шунингдек, башоратчи дунё ҳаётига оид кўплаб башоратлар қилди. У ўз даврининг етук шахслари – сиёсатчилар, ёзувчилар, файласуфлар билан учрашди.

Тадқиқотчилар унинг башоратлари 85 фоиз аниқлик билан содир бўлишини аниқлашди. Бундай кўрсаткич жуда юқори ҳисобланади ва Вангани буюк башоратчилар сафидан мустаҳкам жой эгаллашига сабаб бўлди.

Ванганинг амалга ошган айрим башоратлари:
– 2001 йилда АҚШдаги эгизак биноларга уюштирилган террорчилик ҳужуми;
– Собиқ иттифоқ тузумининг қулаши;
– Иккинчи жаҳон урушида Германиянинг мағлубияти;
– Чернобил (Украина – 1986 йил) АЭСида содир бўлган ҳалокат;
– Индира Гандининг (31 октябрь, 1984 йил) суиқасд оқибатида ўлдирилиши;
– АҚШ президенти Жонн Кеннедининг (22 ноябрь, 1963 йил) суиқасд оқибатида ўлдирилиши;
– Муаммар Каддафи ҳукуматининг ағдарилиши;
– Чечен урушининг якуни;
– Собиқ иттифоқ раҳбари Леонид Брежнев вафотининг аниқ санаси;
– Ўз вафотининг аниқ санаси.

Болгариялик буюк башоратчи Ванга оламдан ўтганига 23 йил бўлди. Аммо у айтиб кетган башоратлар кетма-кет ўз исботини топмоқда. Ванга 2020 йили дунё аҳлини қандай ҳаёт кутишини ҳам албатта башорат қилган. Ванга айтгандики, 2020 йил молиявий инқироз билан бошланаркан. Кўплаб давлатлар инқироз туфайли жиддий азият чекади.

Бундан ташқари, ер юзида табиий офатлар ҳам кўп маротаба кузатилади. Бунга қуёшдаги фаоллашув сабаб бўларкан.

Вақт келади. Қуёш нур сочишда давом этади. Лекин иссиқлик бермайди…, деганди Ванга.

Ваҳоланки, бу ҳақда ҳозирги кунда НАСА олимлари ҳам айтишмоқда.

Ванганинг башоратига кўра, Ғарбий Европада диний масалада катта жанжаллар, тўқнашувлар содир бўлади.

Тартибсизликлар, тўқнашувлар бир неча йил давом этади. 2020 йил охирига бориб Украина ва Россия ўртасидаги муносабатларга ечим топилади.

2020 йили Россияни қурғоқчилик забтига олади. Аммо Халқаро майдонда муваффақият қозонади. Хитой, Ҳиндистон, Россия иттифоқи тузилади, деган Ванга.

Facebook Comments