EFFECT.UZ – ҲАҚИҚАТ УЧУН!
Сўнгги янгиликлар
Кадастр агентлиги тизимида 30 га яқин ходимга нисбатан жиноят иши очилгани маълум бўлди

Кадастр агентлиги тизимида 30 га яқин ходимга нисбатан жиноят иши очилгани маълум бўлди

Кадастр агентлиги тизимига ўтган 7 ойи давомида 1045 та ходимлар танлов асосида ишга қабул қилинган бўлиб, уларнинг 253 тасини раҳбар ходимлар (ҳудудий бошқарма бошлиқлари, туман ва шаҳар раҳбарлари) ташкил этади.

Шу билан бирга, тизимида фаолият олиб бораётган 885 та ходим билан тузилган меҳнат шартномалари бекор қилинди. Бу ҳақда АОКАда ўтказилган брифингда Кадастр агентлиги ахборот хизмати раҳбари Неъмат Атамуратов маълум қилди.

Уларнинг 724 таси мутахассис ходимлар бўлса, 161 таси раҳбар ходимларни ташкил этади. Ишдаги камчиликлари учун 3 нафар вилоят бошқарма бошлиқлари эгаллаб турган лавозимидан озод этилди.

Ишдан бўшатилганлар орасида 37 та ходим ишдаги камчиликлари, сусткашлиги, берилган топшириқларни ўз муддатида бажармаслиги ва ижро интизомига амал қилмаганлиги учун лавозимидан четлатилган. Уларнинг 6 тасини раҳбар ходимлар ташкил этади. 7 ой давомида бир нечта сабабларга кўра 142 та раҳбар ходимларга ҳамда 1301 та мутахассисларга интизомий чоралар кўрилган.

Шу билан 7 ой давомида республика бўйича жами 546 нафар ходимларнинг касбий малакасини ошириш бўйича ўқув курслар ташкил этилди ва ўтказилди.

Соҳада коррупцияни олдини олиш бўйича тизимли ишлар олиб борилаётган бўса ҳам очиғини айтишимиз керак ҳамон коррупцион ҳолатлар учраб турибди. 2022 йилнинг 1 август ҳолатига жами 28 та ҳолатда коррупция билан боғлиқ жиноят ишлари қўзғатилди. Шундан 6 та ҳолат кадастрда олдин ишлаб кетган собиқ ходимлар томонидан амалга оширилган.

Ўтган 2021 йилда бу кўрсаткич 55 тани ташкил этган. Бу билан соҳада коррупция ҳолатлари сезиларли даражада камаяганини кўришимиз мумкин. Коррупцияни олдини олиш борасида Агентлик томонидан бир қатор ишлар амалга оширилмоқда. Жумладан:

- Ўзбекистон Республикаси Давлат солиқ қўмитаси ҳузуридаги Кадастр агентлиги ва Ўзбекистон Республикаси Коррупцияга қарши курашиш агентлиги ўртасида ўзаро ҳамкорлик Меморандуми тузилди;

- Тизимда коррупцияни олдини олиш борасида ходимлар кесимида учрашув, семинар ва давра суҳбатлари шаклида 300 дан ортиқ умумпрофилактик тадбирлар ўтказилди.

- Агентлик тизимидаги 100 нафардан ортиқ ходимга нисбатан якка тартибда профилактик тадбирлар ўтказилди;

- Андижон, Навоий, Самарқанд, Сирдарё, Фарғона ва Хоразм вилоятларида “Сирли мижоз” тадбирлари ўтказилди ҳамда бошқа ҳудудларда ҳам бу ишлар давом эттирилмоқда;

- Кадастр агентлиги тизимида қариндош-уруғчилик, таниш-билишчилик ва манфаатлар тўқнашуви билан боғлиқ ҳолатлар бартараф этиш чоралари кўрилди ва бу ишлар давом этмоқда;

- маҳалла фуқаролари йиғини биноларига Кадастр агентлигининг Ишонч телефони акс эттирилган намунавий баннерлар жойлаштирилди;

- Кадастр агентлигида коррупцияга қарши курашиш йўналиши бўйича 6 та норматив ҳужжатлар ишлаб чиқилган бўлса, 5 та норматив ҳужжатлар ишлаб чиқиш жараёнида.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING