EFFECT.UZ – ҲАҚИҚАТ УЧУН!
Сўнгги янгиликлар
Нукус давлат педагогика институтида очиқ мулоқот ўтказилди

Нукус давлат педагогика институтида очиқ мулоқот ўтказилди

Маълум қилинишича, Ажинияз номидаги Нукус давлат педагогика институтида Конституциявий ислоҳотларни тарғиб қилиш ва кенг жамоатчиликнинг таклифларини ўрганишга бағишланган очиқ мулоқот ўтказилди. Бу ҳақда Қорақалпоғистон Республикаси Экология қўмитасининг матбуот хизмати хабар берган.

Мазкур учрашувда Давлат экология қўмитаси раиси Н.Обломурадов, Ўзбекистон Экология партияси Қорақалпоғистон Республикаси Кенгаши раҳбари А.Бегимова, университетнинг профессор-ўқитувчилари ҳамда талабалар иштирок этди.

Йиғилишда Давлат экология қўмитаси раиси Н.Обломурадов Ўзбекистонда “яшил” иқтисодиётни таъминлаш учун инновацион “яшил” инвестицияларни рағбатлантириш, иқтисодиётга экологик тоза технологияларни, хусусан, “яшил” энергетика, “яшил” технологияларни, “ақлли” шаҳар ва қишлоқ хўжалиги принципларини тўлиқ жорий этиш каби вазифалар ҳақида сўз юритиб, бу жараёнда инсон ҳуқуқларини ҳимоя қилиш бўйича амалдаги тизимнинг самарасини ошириш мақсадида Конституцияда аҳолининг қулай атроф-муҳитга эга бўлиш ҳуқуқларини ишончли ҳимоя қилишни акс эттириш бўйича ўз фикр-мулоҳазаларини билдирди.

Таъкидланишича, очиқ мулоқотда инсоннинг экологик ҳуқуқларини, жумладан, Ўзбекистон аҳолисининг ва бўлажак авлодларининг қулай ва тоза атроф-муҳитга бўлган ҳуқуқларини мамлакат Бош қонунида акс эттиришнинг долзарб жиҳатлари ва ҳаётий аҳамияти юзасидан иштирокчиларга маълумотлар берилиб, таклиф-мулоҳазалар тингланди.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING